WSB fınaly: Kýbalyqtar 7:3 esebimen chempıon atandy
Búgingi jekpe-jekte eń sońǵy bolyp sharshy alańǵa shyqqan asa aýyr salmaqtaǵy boksshymyz Qamshybek Qunqabaev ta qarsylasyna jol berdi. Ol Hose Lardýetpen judyryqtasyp, esep aıyrmasymen kýbalyq boksshy jeńiske jetti. Jalpy esep: -7:3
Osylaısha "Kýba Domadores» komandasy WSB serııasy aıasyndaǵy úshinshi chempıondyq ataǵyna qol jetkizip, "Astana arlandarymen" teńesti. "Arlandar" osyǵan deıin úsh ret chempıon bolǵan edi.
Jalpy, «arlandar» Dúnıejúzilik boks serııasyna birinshi maýsymnan beri qatysyp keledi. Alǵashqy maýsym 2010 jyl ótken bolatyn. Klýb ta sol jyly qurylǵan. Sol kezden bastap komanda únemi júldegerler qatarynan kórinip keledi. Al óz tarıhyn «Astana arlandary» birden sátti bastap, alǵashqy maýsymda-aq fınalǵa deıin jetken.
Birinshi maýsymda Dúnıejúzilik boks serııasyna álemniń 10 elinen 12 komanda qatysty. ıAǵnı, «arlandar» ózderin birden osynsha elge moıyndata aldy. Biraq, otandastarymyz alǵashqy chempıondyq ataǵyna úshinshi maýsymda qol jetkizdi. Fınaldyq jekpe-jek Qazaqstanda ótken edi. «Saryarqa» sport kesheninde «Astana arlandary» men «Ýkraına atamandary» kezdesip, jerlesterimiz jeńisti julyp alǵan bolatyn.
Kelesi maýsymnan bastap WSB jobasyna kýbalyqtar qosylyp, «Astana arlandary» úshin Dúnıejúzilik boks serııasy tipten qyza tústi. Eki komanda 2017 jyldyń fınalynda joldary túıisti. Bul kezde ekeýiniń de enshisinde eki kýboktan bar edi. «Arlandar» óz jetistikterin 2015 jyly qaıtalasa, kýbalyqtar alǵashqy maýsymynda-aq, ıaǵnı 2014 jyly jeńiske jetip, 2016 jyly eki dúrkin jeńimpaz atandy.
Al ótken jyly, ıaǵnı 2017 jyly qos komanda fınaldyq kezdesýlerin Astanada ótkizdi. Negizgi 10 jekpe-jekten keıin esep 5:5 bolyp teń aıaqtaldy. Alaıda, qosymsha aıqasta Oljas Baınııazov teketires taǵdyryn «Astana arlandarynyń» paıdasyna sheship, "Arlandarymyz" óz tarıhynda úshinshi márte chempıondyq ataqqa qol jetkizdi.
Osylaısha, azýly «Kýba batyrlaryn» jeńgen «Astana arlandary» jeńis jaǵynan Dúnıejúzilik boks serııasynda birinshi orynǵa shyqty. Enshimizde úsh kýbok bar. Mine, búgin óz kezeginde kýbalyqtar da úshinshi kýbogyna ıe boldy.