WSB fınaly: Qaırat Eralıev kýbalyq Endı Robeısten aılasyn asyra almady
ASTANA. QazAqparat - Astanada ótip jatqan Dúnıejúzilik boks serııasynyń (WSB) boıynsha «Astana arlandary» men «Kýba Domadores» arasyndaǵy fınaldyq kezdesýde 56 keli salmaq dárejesinde jerlesimiz Qaırat Eralıev kýbalyq Endı Robeısıden aılasyn asyra almady.
Qarsylastar arasyndaǵy jekpe-jek asa tartysty ótti. Tóreshiler birinshi raýndta 10-9 esebimen jeńisti jerlesimizge bergenimen, ekinshi raýndta kýbalyq qabylan esepti teńestirip ketti. Al úshinshi raýndta qaptaldaǵy tórt tóreshi de qazaqstandyqtyń basymdyǵyn esepke alsa, tórtinshi raýndta esep qaıta teńesken bolatyn. Besinshi raýndta Qaırat Eralıev qarsylasyna ese jiberip aldy. Qorytyndy esep kýbalyqtyń qanjyǵasynda ketti: 47-48.
Bul maýsymda Qaırat Eralıev úsh kezdesý ótkizip, úsheýinde de jeńiske jetken eken. Eske sala keteıik, búgin boksshylar bes salmaq dárejesi boıynsha jekpe-jekke shyǵady.
