WSB fınaly: Birinshi kezdesýde kýbalyqtar alǵa shyqty

ASTANA. QazAqparat - Qytaıda WSB serııasy aıasynda ótip jatqan "Astana arlandary" men "Kýba Domadores» komandasy arasyndaǵy fınaldyq kezdesýdiń alǵashqy kúni kýbalyqtardyń mereıi ústem boldy, dep habarlaıdy QazAqparat tilshisi.

Búgin sharshy alańda bes jup jekpe-jekke shyqty. Onyń ekeýinde "Arlandardyń mereıi" tasysa, úsh jekpe-jekte "Kýba Domadores» komandasynyń bási joǵary boldy.

Sharshy alańǵa besinshi bolyp shyqqan otandasymyz  Nurbol Altaev (91 keli) qarsylasy Erıslandı Savonnan upaı sanymen utyldy.

Osylaısha  fınaldyq kezeńniń birinshi kúni kýbalyqtar 3:2 esebimen alǵa shyqty.

Endi ekinshi kezdesý 28 qyrkúıek kúni ótedi. Onda taǵy bes jup sharshy alańǵa shyǵady. Eki kezdesýdiń jalpy esebi boıynsha jeńimpaz komanda belgili bolady.

28 qyrkúıek sharshy alańǵa myna boksshylar shyǵady:

52 keli: Sáken Bıbosynov - Horhe Grınıan;

60 keli: Zakır Safıýllın - Lazaro Alvares; 

69 keli: Aslanbek Shymbergenov - Ronıel Iglesıas;

81 keli: Bek Nurmaǵanbet - Hýlıo La Krýz;

91 keli: Qamshybek Qońqabaev - Hose Lardýet.

Eki kezdesýden keıingi komandalar arasyndaǵy jekpe-jekter teń aıaqtalǵan jaǵdaıda 64 keli salmaqtaǵy boksshylar qosymsha jekpe-jekke shyǵady. Bul salmaqta Bekdáýlet Ibraıymov bar.