WSB fınaly: Ábilhan Amanqul tarazy basyn teńestirdi

ASTANA. QazAqparat - Qytaıda WSB serııasy aıasynda ótip jatqan "Astana arlandary" men "Kýba Domadores» komandasy arasyndaǵy fınaldyq kezdesýdiń alǵashqy jekpe-jeginiń tórtinshi aıqasynda esep teńesti, dep habarlaıdy QazAqparat tilshisi.

Sharshy alańǵa "Arlandar" sapynan tórtinshi bolyp 75 keli salmaqta Ábilhan Amanqul shyqqan bolatyn. Asa tartysty ótken jekpe-jekte tóreshiler biraýyzdan otandasymyzdy jeńimpaz dep tanydy.

Osylaısha "Astana arlandary" men "Kýba Domadores» komandasy arasyndaǵy esep 2:2 bolyp teńesti.

Endi búgingi kúnniń sońǵy jekpe-jegi ótedi. Onda aýyr salmaqtaǵy boksshylar sharshy alańǵa shyǵady. "Arlandar" sapynan   91 keli salmaqta Nurbol Altaev el namysyn qorǵaıdy.

Esterińizge sala keteıik, osyǵan deıin 49 keli salmaqta Temirtas Júsipov shyǵyp, kýbalyq qarsylasynan aılasyn asyrsa, Іlııas Súleımenov qarsylasyna jol bergen edi. Sondaı-aq, úshinshi jekpe-jekte 64 keli salmaqta Dilmurat Mıjıtov ta súrinip, kýbalyqtar bir upaı sanymen alǵa shyǵyp ketken bolatyn.