WSB fınaly - 5-4: Nurdáýlet Jarmanov kýbalyqqa ese jiberip aldy
ASTANA. QazAqparat - Búgin Astanadaǵy «Dáýlet» sport kesheninde ótip jatqan Dúnıejúzilik boks serııasy (WSB) boıynsha «Astana Arlandary» men «Kýba Domadores» arasyndaǵy fınaldyq kezdesýde 81 keli salmaqtaǵy Nurdáýlet Jarmanov pen Hýlıo Sesar la Krýs Perasa sheberlik synasty. Tóreshiler jeńisti biraýyzdan «kýbalyq qabylanǵa» berdi.
«Astana Arlandary» sapyndaǵy Nurdáýlet Jarmanov sharshy alańda osal boksshy emes ekenin dáleldedi. Degenmen, kýbalyq boksshy óziniń tájirıbeliliginiń arqasynda jaqsy jekpe-jek mánerin kórsete bildi. Aıqas qorytyndysynda úsh tóreshiniń úsheýi de kýbalyqqa basymdyq berdi.
Dál qazir + 91 keli salmaqtaǵy Ivan Dychko men Iohandı Toırak Ortega arasynda jekpe-jek ótýde. Osy kezdesý aqtyq aıqastyń taǵdyryn da sheshýi yqtımal. Ázirshe jalpy komandalar arasyndaǵy esep 5:4, «Astana arlandary» alda keledi.
