WSB chempıony Jaqypov 14 qańtar kúni kásipqoı rıngke shyǵady
ASTANA. QazAqparat - WSB chempıony, «Astana Arlans» quramyndaǵy 27 jastaǵy óskemendik boksshy Mıras Jaqypov erteń Shanhaıda (Qytaı) kásipqoılar arasynda óziniń alǵashqy aıqasyn ótkizedi. Bul týraly Sports.kz «Profı Boks Kazahstana» onlaın-basylymyna silteme jasap habarlaıdy.
Qazaqstandyqtyń qarsylasy Gýanjı Jen jergilikti boksshy, bul aıqas ol úshin de kásipqoı rıngtegi alǵashqy jekpe-jek bolmaq.
Tórt raýndtyq boks kezdesýi jartylaı jeńil salmaqta ótedi (126 fýntqa deıin - 57,2 kg).
Eki boksshy da tarazyǵa tartylý saltanatynda kórsetilgen salmaqtan aspady. Jaqypov 124 fýnt (56,3 kg), al qytaılyq boksshynyń salmaǵy 125 fýntty (56,7 kg) qurady.
