WSB: «Astana Arlans» boksshylary polshalyq «Poland Hussars» komandasyn tize búktirdi
ASTANA. 11 qańtar. QazAqparat - «Astana Arlans» qazaqstandyq komandasynyń boksshylary WSB serııasynyń besinshi týrynda Polshada «Poland Hussars» bylǵary qolǵap sheberlerin 4:1 esebimen jeńdi.
Alǵashqy úsh kezdesýde astanalyq klýbtyń ókilderi jeńimpaz atandy. Aldymen 49 keli salmaqta óner kórsetetin Mardan Berikbaev polshalyq qarsylasy Davıd ıAgodzınskıdi 3:0 esebimen jerge qaratsa, 56 keli salmaq dárejesinde Meıirbolat Toıtov Marek Petrýşýkti oısyrata jeńdi. Úshinshi kezdesýde sharshy alańǵa shyqqan 64 kelidegi Ashat Ýálıhanov aldyna kelgen Damıan Kıvıordy bet qaratqan joq. Esep qazaqstandyqtyń paıdasyna sheshildi.
Al 75 keli salmaqta Sergeı Derevıanchenkony almastyrǵan Erik Áljanov polshalyq komandanyń kapıtany Tomash ıAblonskıge ese jiberdi.
Sońǵy besinshi kezdesýge shyqqan «Astana Arlans» klýbynyń aýyr salmaqtaǵy óreni Vasılıı Levıt polıak Lýkash Zıgmýndke eshqandaı múmkindik bergen joq. Tipti sharshy alańda birneshe ret qarsylasyn eseńgiretip te tastady. Degenmen, Lýkash Zıgmýnd bes raýndtyń sońyna deıin tura aldy. Esep - 3:0.
«Astana Arlans» klýby Búkilálemdik boks serııasynyń «V» tobynda 13 upaımen kósh bastap keledi. Bir oıyn kem ótkizgen «Cuba Domadores» 12 upaımen ekinshi orynda keledi.
Kelesi kezdesýdi qazaqstandyq komanda 18 qańtarda Ázirbaıjanda «Baku Fires» boksshylaryna qarsy ótkizedi.
