WSB: «Astana arlandary» besinshi ret jeńiske qol jetkizdi
ASTANA. QazAqparat - «Astana arlandary» 5:0 esebimen «Puerto Rico Hurricanes» komandasynan basym tústi, dep habarlaıdy sports.kz.
49 keli salmaqta judyryqtasqan Mardan Berikbaev Entonı Ortızdi aıqyn basymdylyqpen jeńdi. Esep - 3:0.
Meıirbolat Toıytov qarsylasy Gomes Garıbaldıge esh múmkindik qaldyrǵan joq. Birinshi raýndta nokdaýn alǵan Garıbaldı, ekinshi raýndta tehnıkalyq jeńilis aldy. 56 keli salmaqta Meıirbolat jeńiske jetti.
64 kelide kezdesý ótkizgen «Astana arlandarynyń» kapıtany Samat Báshenov qarsylasy Rıvera ıAnndy 3:0 esebimen jeńdi.
75 keli salmaqta óner kórsetken Jánibek Álimhanuly qarsylasy Djeffrı Flasty bir raýndttyń ishinde nokaýtqa túsirdi.
Aýyr salmaqta (91 keli) sharshy alańǵa shyqqan Vasılıı Levıt qarsylasy Rıchard Djonsonty ekinshi raýndta tehnıkalyq nokaýtpen jeńdi. Endi 21 aqpan kúni qazaqstandyq komanda Almatyda argentınalyq «Argentina Condors» komandasymen aıqasady.
