WorldSkills jastardy jumysshy mamandyqtaryn ıgerýge tartady
ASTANA. QazAqparat - 2014 jyly Qazaqstan Respýblıkasy WorldSkills International halyqaralyq uıymyna engen bolatyn. Bul uıymnyń maqsaty - jumysshy mamandyqtarynyń mártebesin arttyrý jáne sheberlik daǵdylaryn damytý. WorldSkills- halyqaralyq kommertsııalyq emes qozǵalys. Ol álemniń barlyq kásiptik bilimniń damýyna týra áser etedi.
Qazaqstandyq WorldSkills jobasynyń maqsaty jumysshy mamandyqtarynyń mártebesin arttyrý jáne dáripteý bolyp sanalady.
2015 jylǵy sáýirde 7 quzyrettilikter boıynsha Tehnıkalyq jáne kásiptik bilim berý uıymdarynyń stýdentteri arasynda alǵash ret WorldSkills Kazakhstan Ulttyq chempıonaty ótkizildi.
Aıta keteıik, WorldSkills chempıonattary eki jylda bir ret ár memleketterde bolady, oǵan 22 jasqa deıingi kolledj jáne ýnıversıtet stýdentteri, bilikti jas mamandar, sonymen qatar tanymal mamandar, kásipqoılar, óndiristik oqytý sheberleri men tapsyrmalardy oryndaýdy baǵalaıtyn sarapshy retindegi nusqaýshylar qatysady.
Bul rette, úmitkerler WorldSkills 75 qatysýshy memleketterdiń óńirlik kásiptik chempıonattarynan irikteledi. Olar ózderiniń shynaıylylyqqa maksımaldy jaqyn tapsyrmalardy sheshe otyryp, jeke jáne ujymdyq sapasyn, tehnıkalyq qabiletterin kórsetedi. Komandalar nátıjeleri tek qatysýshylardyń jeke kásibı sapasy týraly ǵana emes, sondaı-aq jeke kásiptik daıyndyq deńgeıi men qatysýshylardyń kelgen eliniń qyzmet kórsetý sapasynyń deńgeıi týraly kórsetedi.
Esterińizge sala keteıik, 2016 jylǵy 12-15 qyrkúıek aralyǵynda Astana qalasynda 15 quzyrettilik boıynsha WorldSkills Ulttyq chempıonaty ótkizilgen bolatyn. Ulttyq chempıonatqa elimizdiń ár óńirinen kelgen 130 astam qatysýshylar jáne 200 astam sarapshylar men óndiristik oqytý sheberleri, óndiris oryndarynyń qyzmetkerleri qatysty. Elimizdegi chempıonat qorytyndysy boıynsha 45 jeńimpaz anyqtaldy.
Uıymdastyrýshylardyń sózine súıinsek, WorldSkills chempıonatyn ótkizý barysynda, ıaǵnı 2 jyl ishinde elimizdiń 14 oblysyndaǵy jáne Astana, Almaty qalalaryndaǵy TjKB berý uıymdarynyń 4000 astam stýdenti qamtyldy. Al 2016 jylǵy sáýirde Qazaqstan EuroSkills halyqaralyq uıymyna resmı túrde tirkeldi.
EuroSkills - kásiptik bilimniń sapasyn, bedelin jáne tartymdylyǵyn arttyrýǵa baǵyttalǵan iri baıqaý. Іs-sharaǵa tegin qatysady. 450 astam jastar 6 baǵyt:
ü Kólik jáne logıstıka
ü Óndiris jáne ınjenerlik tehnologııalar
ü Qurylys jáne qurylystyń tehnologııalary
ü Óner jáne sán
ü Aqparattyq jáne kommýnıkatsııalyq tehnologııalar
ü Áleýmettik jáne jeke qyzmetter
boıynsha óz daǵdylaryn kórsetedi.
2016 jylǵy qarashada elimizdiń Ulttyq quramy 5 quzyrettilik boıynsha Shvetsııanyń Geteborg qalasynda ótetin EuroSkills halyqaralyq chempıonatqa qatysty. Onyń nátıjesi boıynsha Soltústik-Qazaqstan kásibı-pedagogıkalyq kolledjiniń stýdenti Smırnov Evgenıı «Best of Nation» nomınatsııasy boıynsha medal utyp aldy jáne 5-orynǵa ıe boldy.
2017 jylǵy Ulttyq chempıonattyń basty maqsaty - jastardy jumysshy mamandyqtardy ıgerýge tartý. WorldSkills qozǵalysy elimizdiń jas mamandaryna ıgergen kásibı daǵdylaryn jáne quzyrettilikterin barshaǵa kórsetýge múmkindik beredi.
Qazirgi ýaqytta WorldSkills Kazakhstan Ulttyq chempıonatyn 2017 jylǵy sáýirde 27 quzyrettilik boıynsha uıymdastyrý jáne ótkizý boıynsha daıyndyq jumystary belsendi júrgizilýde. Ulttyq qurama músheleri WorldSkills Russia jáne Abý-Dabı qalasynda halyqaralyq chempıonattarǵa qatysady.
Aıta keteıik, Qazaqstan Respýblıkasynda WorldSkills jobasynyń Ulttyq operatory rólin «Kásipqor» holdıngi» KEAQ atqarady.
