WorldSkills Kazakhstan 2025 respýblıkalyq chempıonatyna bıyl 15 jańa quzyrettilik qosyldy
ASTANA. KAZINFORM – Jumysshy mamandyqtar jyly aıasynda Astana qalasynda 3 jeltoqsanda bastalǵan WorldSkills Kazakhstan 2025 respýblıkalyq kásibı sheberlik chempıonaty áli de jalǵasyp jatyr.
Oqý-aǵartý mınıstrligi málimetinshe, bıyl chempıonatqa qatysshýlardyń sany 1,5 ese artty. Byltyr 548 oqýshy qatyssa, bıyl 825 stýdenttiń qatysýyna múmkindik berildi.
WorldSkills óńirlik chempıonattarynyń nátıjelerin taldaý negizinde 15 jańa quzyrettilik qosyldy. Olardyń qatarynda ónerkásiptik dızaın, lokomotıvti basqarý, ushqyshsyz ushý apparattaryn paıdalaný, qutqarý jumystary, veterınarııa, zerthanalyq-hımııalyq taldaý, AKT jelilik ınfraqurylymy, mektepke deıingi tárbıe, florıstıka, aqparattyq qaýipsizdik, tsıfrlyq modeldeý, tońazytqysh jáne jeldetý tehnıkasyna qyzmet kórsetý, qonaqúı resepsheni, 1S platformasynda bıznes-protsesterdi avtomattandyrý quzyrettilikteri bar.
– Engizilgen jańa quzyrettilikter qazirgi tehnologııalyq jáne salalyq úrdisterdi, sondaı-aq eńbek naryǵynyń suranysyn kórsetedi. Bul kadrlyq áleýetti damytýǵa jáne TjKB júıesi men bıznes-sektor arasyndaǵy yntymaqtastyqty nyǵaıtýǵa yqpal etedi, – deıdi QR Oqý-aǵartý mınıstrliginiń Tehnıkalyq jáne kásiptik bilim berý departamentiniń basshysy Áset Muhambetov.
Aıta ketý kerek, chempıonat jeńimpazdary 2026 jyly Qytaıda ótetin halyqaralyq WorldSkills chespıonatyna joldama alady.
Aıta keteıik, SQO-da 108 synyptyń oqýshylary JRVI-ge baılanysty onlaın oqyp jatyr.