WorldSkills Kazakhstan 2024: kásibı-tehnıkalyq daǵdy úzdikteri anyqtaldy
ASTANA. KAZINFORM – Elordada kolledj stýndentterine arnalǵan «WorldSkills Kazakhstan 2024» respýblıkalyq chempıonatynyń jeńimpazdary marapattaldy.
«WorldSkills Kazakhstan 2024 ár aımaqtyń qatysýshylaryna bir-birimen jarysý arqyly daǵdy, quzyrettiń shyńdalýyna múmkindik bergen jarys dep oılaımyn. Chempıonatqa qatysýdyń ózi jańa dem, umtylys, tájirıbe jınaý jáne aldaǵy maqsatqa jetýge múmkindik», - dedi Oqý-aǵartý mınıstri Ǵanı Beısembaev chempıonat jeńimpazdaryn marapattaý sátinde.
Mınıstrdiń aıtýynsha, respýblıkalyq jarystyń kolledj stýdentteri arasynda salalyq jumysshy mamandyqtaryndaǵy quzyret deńgeıin aıqyndaýda mańyzdy.
«Prezıdent 2025 jyldy jumysshy mamandyqtary jyly dep jarııalady. Bul sımvoldy is-shara, kásiptik tehnıkalyq bilim berý oshaqtary atsalysady dep oılaımyz. Biz keler jyldy bosqa ótkizbeı, jumysshy mamandyqtaryn halyqqa túsindirip, dáripteımiz», - dep tolyqtyrdy vedomstvo basshysy.
Komandalyq esepte Astana qalasynyń qurama komandasy, ekinshi orynda – Abaı oblysy jáne úshinshi orynda – Almaty qalasy kóshbasshy atandy.
Aıta keteıik, jeńimpazdar elimizdiń jetekshi kompanııalarynan jumysqa shaqyrýlar alyp, kelesi jyly Danııada ótken EuroSkills chempıonatyna qatysý úshin ulttyq quramaǵa kirý múmkindigine ıe boldy.
Komandalyq esepte Astana qalasynyń qurama komandasy kósh bastady, ekinshi orynda Abaı oblysy jáne úshinshi orynda Almaty qalalyq quramy úzdik atandy.
Aıta keteıik, jeńimpazdar elimizdiń jetekshi kompanııalarynan jumysqa shaqyrý alyp, kelesi jyly Danııada ótken EuroSkills chempıonatyna qatysý úshin ulttyq quramaǵa kirý múmkindigine ıe boldy.
Bıyl WorldSkills Kazakhstan ulttyq chempıonaty alańdarynda 555 qatysýshy elektronıka, ónerkásiptik avtomatıka, mehatronıka, ınjenerlik grafıka, kondıterlik is, elektr montajdaý jumystary, dánekerleý tehnologııalary, veb-tehnologııalar jáne bızneske arnalǵan IT-sheshimder, sán tehnologııalary sııaqty 30 quzyret boıynsha óz daǵdylaryn kórsetti.
Buǵan deıin Oqý-aǵartý mınıstri elordada ulttyq quzyret ortalyǵy qurylatynyn aıtty.
