WorldSkills-2025 óńirlik chempıonattary tabysty ótti

ASTANA. KAZINFORM — 2025 jyldyń naýryz–maýsym aılary aralyǵynda Qazaqstannyń 20 óńirinde tehnıkalyq jáne kásiptik bilim berý uıymdarynyń qatysýymen WorldSkills-2025 óńirlik chempıonattary ótti.

— Jumysshy mamandyqtaryn nasıhattaıtyn aýqymdy sharaǵa barlyǵy 5044 stýdent qatysyp, olardyń jumysyn 5759 kásibı sarapshy baǵalady. Chempıonattar 600-ge jýyq kolledj bazasynda uıymdastyryldy. Jalpy alǵanda 900-den astam quzyrettilik qamtyldy. Eń kóp quzyrettilik usynylǵan óńirler qatarynda Aqtóbe (77), Aqmola (62), Batys Qazaqstan (60) jáne Qostanaı (59) oblystary bar, — delingen Oqý-aǵartý mınıstrli baspasóz qyzmeti habarlamasynda.

WorldSkills óńirlik chempıonattary — jumysshy mamandyqtarynyń bedelin arttyryp, stýdentterdiń kásibı biliktiligin shyńdaýǵa baǵyttalǵan mańyzdy alań. Chempıonattar aıasynda kolledjder men jumys berýshiler arasyndaǵy baılanys nyǵaıyp, úzdik qatysýshylar dıplomdar, medaldar men arnaıy syılyqtarmen marapattaldy.

Óńirlik chempıonatta úzdik tanylǵan stýdentter bıylǵy jyldyń jeltoqsan aıynda Astana qalasynda ótetin respýblıkalyq chempıonatqa joldama aldy.

Aıta ketelik Tájikstannyń joǵary oqý oryndary qazaqstandyqtar úshin 100 grant bólgen edi.