«World of Tanks» grand fınalynyń jeńimpazy 5 mln teńge alady (FOTO)
ALMATY. QazAqparat - Búgin Almatyda Balýan Sholaq atyndaǵy Sport saraıynda «World of Tanks» kompıýterlik oıyndarynyń grand-fınaly bastaldy.
Aımaqtyq kezeńnen ótip kelgen 4 komanda «Qazaqstan úshin urysta» 5 mln teńgege talasatyn bolady.
«Kelýshilerge arnaıy oıyn alańy jasaldy. Kez kelgen adam oıyn oınap, demeýshilerden kepildi syılyq ala alady. Eń kóp upaı alǵan adam BMW markali jańa kólikke ıe bolady», - dedi Wargaming resmı ókili Ivan Jvıtsa.
Qazirgi tańda vırtýaldy oıynǵa álem boıynsha 110 mln-nan astam oıynshy tirkelgen.
«World of Tanks» fınalynda HH ǵasyrdyń ortasyndaǵy soǵys tehnıkasynyń vırtýaldy kóshirmesi jasalǵan.
Sondaı-aq, sport saraıynyń foıesinde UOS kezeńindegi qarý kórmesi, balalarǵa arnalǵan aerografııadan saıys uıymdastyryldy.
QR Aeroutqyr áskeriniń qyzmetkerleri áskerı tehnıkanyń kórmesin ótkizdi.
«Búginde jastardyń basym kópshiligi kompıýterlik oıyndardy oınaıdy. Bul jastardyń áskerı tehnıkany tanyp, tarıhyn bile júrýi úshin kerek. Otany úshin vırtýaldy saıyssa da onyń júreginde otanshyldyq sezimi oıanady», - dedi Halyq qaharmany, maıor Azamat Jumadilov.
