World Boxing: ulttyq qurama úsh altyn, bir kúmis, úsh qola medal enshiledi
ASTANA. KAZINFORM — Brazılııanyń Fos-dý-Igýasý qalasynda World Boxing federatsııasynyń uıymdastyrýymen ótken Álem kýbogynyń kezeńi aıaqtaldy. Bul týraly UOK málim etti.
Fınaldyq kezeńniń keshki sessııasynda úsh boksshymyz altyn júlde úshin judyryqtasty. 80 keliden joǵary salmaqta Valerııa Aksenova Vengrııa ókili Jofııa Sıramen kezdesip, 5:0 esebimen aıqyn basymdyqpen jeńiske jetti.
Sultanbek Aıbaruly 85 kelige deıingi salmaqta brazılııalyq Kaýe Belınımen qolǵap túıistirdi. Nátıjesinde otandasymyz 4:1 esebimen basym tústi.
Al 65 kelige deıingi salmaqta Aıda Ábikeeva ózbekstandyq Navbahor Hamıdovaǵa 5:0 esebimen jol berdi. Nátıjesinde ulttyq qurama qorjynynda úsh altyn, bir kúmis jáne úsh qola medal bar.
Aıta keteıik, buǵan deıin Vıktorııa Grafeeva (60 kelige deıin) jeńimpaz atansa, Alýa Balqybekova (51 kelige deıin), Jibek Jarasqyzy (80 kelige deıin), Dıas Moljigitov (80 kelige deıin) jarysty qola júldemen aıaqtady. Osylaısha ulttyq qurama jalpy komandalyq esepte úshinshi orynǵa jaıǵasty. Birinshi orynǵa Brazılııa ıe bolsa (4 altyn, 5 kúmis), ekinshi orynǵa Qytaı turaqtady (4 altyn, 1 qola).
Keshe 60 keli salmaqta Brazılııadaǵy álem kýbogynyń fınalynda baq synaǵan Vıktorııa Grafeeva jarys jeńimpazy atanyp, altyn júldeni el qorjynyna saldy.
