World Boxing: Taılandtaǵy Azııa chempıonatynda bes boksshy fınalǵa shyqty

ASTANA. KAZINFORM - World Boxing aıasynda Taıland astanasy Bangkok qalasynda 22 jasqa deıingiler arasynda Azııa chempıonatynda búgin qazaqstandyq bes boksshy fınalǵa shyqty.

Aldymen Nurıslam Qaldybaev (60 keli) býtandyq Dechen Dordjıdi merziminen buryn jeńse, Ilıa Kalınınniń (65 keli) fılıppındik qarsylasy Mark Eshlı Fadjardonyń jarystan bas tartýyna baılanysty aqtyq synǵa ótti.

Al Nurbek Mursal (70 keli) malaızııalyq Mýhammad Arıften basym tússe, jartylaı fınalda Sanjaráli Begalıev (80 keli) úndistandyq Ankýshty, Temirlan Muqataev (90 keli) ońtústikkoreıalyq ıAchan Mýndy jeńip, fınalǵa joldama aldy.

Jarys kúniniń ekinshi bóliminde áıelder arasyndaǵy jartylaı fınaldyq jekpe-jekter ótedi. Onda Gúlnaz Bóribaeva (48 keli), Baqyt Seıdish (70 keli), Shuǵyla Nálibaı (75 keli) jáne Ásel Toqtasyn (80 keliden joǵary) el namysyn qorǵaıdy.

Qurlyqtyq doda 30 shilde-12 tamyz aralyǵyna belgilengen. Oǵan 25 elden 396 boksshy (237 er jáne 159 áıel) qatysady dep josparlanyp otyr. Olardyń arasynda Qazaqstan, Aýǵanstan, Fılıppın, Gonkong, Úndistan, Indonezııa, Iran, Irak, Japonııa, Ońtústik Koreıa, Saýd Arabııasy, Qyrǵyzstan, Malaızııa, Mońǵolııa, Nepal, Qatar, Qytaı, Sıngapýr, Shrı-Lanka, Taıland, Túrkimenstan, Ózbekstan, BAÁ, Vetnam, Býtan bar.