World Boxing: Saǵyndyq Toǵambaı bokstan álem chempıonatynda shırek fınalǵa shyqty

ASTANA. KAZINFORM - Anglııanyń Lıverpýl qalasynda World Boxing aıasynda ótip jatqan álem chempıonatynda búgin, 8 qyrkúıekte Qazaqstan quramasynan Saǵyndyq Toǵambaı (90 keli) 1/4 fınalǵa shyqty.

Otandasymyz 1/8 fınalda ırlandııalyq Djek Maıkl Marlımen qolǵap túıistirdi. Alǵashqy eki raýndta Saǵyndyq belsendi qımyl kórsetti. Nátıjesinde qazaqstandyq boksshy shırek fınalǵa shyqty.

Saǵyndyq Toǵambaı 2001 jyly 15 aqpanda Astana qalasynda dúnıege kelgen. 2024 jyly Azııa chempıony atansa, 2022 jyly Jazǵy Azııa oıyndarynda qola júldeger boldy.

Aıta ketsek, budan buryn búgin el quramasynan Tórehan Sabyrhan (70 keli), Gúlsaıa Erjan (80 keli) jarysty jalǵastyrýǵa múmkindik aldy.

Endi el quramasynan búgin keshki sessııada Beıbarys Jeksen (60 keli), Sabyrjan Aqqalyqov (75 keli), Aıbek Oralbaı (90 keliden joǵary), Aıda Ábikeeva (65 keli) sharshy alańǵa shyǵady.

Dúbirli doda 4-14 qyrkúıek aralyǵynda Anglııanyń Lıverpýl qalasynda ótedi. Jekpe-jekter «Qazaqstan» jáne «Qazsport» telearnalarynan tikeleı efırde kórsetiledi.

Álemniń ár qıyrynan kelgen boksshylar 4-10 qyrkúıek aralyǵynda irikteý kezeńinde saıysqa túsedi. Al 12-13 qyrkúıekte jartylaı bolsa, 13-14 qyrkúıekte fınaldyq básekeler ótedi.