World Boxing: Rımma Volosenko jarysty 1/8 fınalda aıaqtady

ASTANA. KAZINFORM - Mońǵolııanyń Ýlan-Bator qalasynda ótip jatqan World Boxing aıasyndaǵy bokstan 2026 jylǵy Azııa chempıonatynda búgin, 31 naýryzda Rımma Volosenko (60 keli) jarys jolynan shyǵyp qaldy.

Otandasymyz 1/8 fınalda úndistandyq Prııamen qolǵap túıistirgen edi. Jekpe-jek barysynda tóreshiler biraýyzdan úndistandyq sportshynyń 5:0 esebimen jeńiske jetkenin kórsetti.

Osylaısha Rımma Volosenko jarysty erte aıaqtaýǵa májbúr boldy. 

Qurlyqtyq dodaǵa elimizdiń atynan barlyǵy 20 boksshy (erler - 10, áıelder -10) attanǵan edi. Qazirge deıin áıelder quraasynan Rımmadan ózge Jazıra Oraqbaeva (51 keli), Elına Bazarova (54 keli) jarys jolynan shyǵyp qaldy.

Eldos Saıdalın jetekshiligimen qurlyqtyq dodaǵa elimizden ááıelder quramasynda Rımma, Jazıra men Elınadan ózge Áıgerim Sáttibaeva (48 keli), Uljan Sársenbek (57 keli), Laýra Esenkeldi (65 keli), Baqyt Seıdish (70 keli), Valentına Halzova (75 keli), Nadejda Rıabets (80 keli) jáne Dına Islambekova (80 keliden joǵary) barǵan edi. Olar aldaǵy kúnderi sharshy alańǵa shyǵady.

Al erler quramasy sapynda Sanjar Táshkenbaı (50 keli), Mahmud Sabyrhan (55 keli), Orazbek Asylqulov (60 keli), Ertýǵan Zeınýlınov (65 keli), Tórehan Sabyrhan (70 keli), Sabyrjan Aqqalyqov (75 keli), Erasyl Jaqpekov (80 keli), Nurbek Oralbaı (85 keli), Saǵyndyq Toǵambaı (90 keli) jáne Aıbek Oralbaı (90 keliden joǵary) bar.

Qurlyqtyq doda 30 naýryz-10 sáýir aralyǵynda ótedi.