World Boxing resmı túrde AIMS quramyna kirdi
ASTANA. KAZINFORM — Lozannada Táýelsiz tanylǵan sport túrleri alıansy (AIMS) kezekten tys onlaın-assambleıa ótkizdi, dep habarlaıdy Ulttyq olımpıada komıteti.

Sessııanyń basty oqıǵasy — Halyqaralyq World Boxing federatsııasynyń uıym qataryna resmı túrde qabyldanýy boldy.
World Boxing-tiń ótinimi SportAccord Atqarýshy komıtetiniń jan-jaqty tekserisinen ótip, keıinnen Múshelik komıssııasynda qaraldy. Komıssııa federatsııanyń barlyq qajetti talaptarǵa sáıkes keletinin rastady.
SportAccord-tyń oń qorytyndysynan keıin, World Boxing-ti qabyldaý týraly usynysty AIMS Keńesi men onyń músheleri maquldady. Osylaısha World Boxing AIMS sport qaýymdastyǵynyń bir bóligine aınaldy. Bul — Federatsııanyń damýyndaǵy mańyzdy kezeń.
Aıta keteıik, AIMS-ke múshelik — Halyqaralyq Olımpıadalyq komıtetiniń (HOK) tarapynan tanylýdy maqsat etken uıymdar úshin mindetti qadam. AIMS-ke múshe bolmaıynsha, HOK ótinimderdi qarastyrmaıdy.
Osyǵan deıin habarlanǵandaı, búgin Alataý eteginde álemniń eń áıgili balýandarynyń basyn qosqan PWL týrnırinde erkin kúresten álem chempıonatynyń 2 dúrkin qola júldegeri, 3 dúrkin Azııa chempıony Azamat Dáýletbekov qarsylasynan basym tústi.