World Boxing: Nurbek Mursal álem kýboginde jartylaı fınalǵa shyqty

ASTANA. KAZINFORM - Úndistan astanasy Nıý-Delı qalasynda World Boxing aıasynda ótip jatqan álem kýboginde el quramasynan Nurbek Mursal (70 keli) alǵashqy jekpe-jeginde jeńiske jetti.

Otandasymyz shırek fınalda Ihtııar Nıshonovpen kezdesken edi. Jekpe-jek barysynda qapy qaldyryp, jartylaı fınalǵa jetti. Endi ol ýkraınalyq ıÝrıı Zaharıevpen sharshy alańǵa shyǵady.

Aıta ketsek, búgin el quramasynan Nursultan Altynbek (55 keli), Aman Qonysbekov (75 keli), Bekzat Tańatar (90 keli), Nurzat Ońǵarov (50 keli) qarsylastaryna ese jiberip, jarys jolynan shyǵyp qaldy.

Bedeldi báseke 16-20 qarashada ótkiziledi. Qazaqstan atynan erler quramasynan 8 boksshy, al áıelder quramasynan 5 sportshy qatysýǵa múmkindik aldy.

Álem kýbogi úsh kezeńnen turady. Alǵashqy kezeńi sáýir aıynda Brazılııanyń Fos-dý-Igýasý qalasynda bolsa, odan keıin shilde aıynda Astana da jalaýyn kóterdi.

Birinshi kezeńde otandastarymyz 3 altyn, 3 qola alsa, ekinshi kezeńde 8 altyn, 2 kúmis, 5 qola júldege qol sozdy.