World Boxing: Laýra Esenkeldi Azııa chempıonatyn shırek fınalda aıaqtady
ASTANA. KAZINFORM - Mońǵolııa astanasy Ulanbatyr qalasynda ótip jatqan World Boxing aıasyndaǵy 2026 jylǵy Azııa chempıonatynda el quramasynan búgin, 4 sáýirde el quramasynan Laýra Esenkeldi (65 keli) sharshy alańǵa shyqty.
Otandasymyz shırek fınalda úndistandyq Ankýshıta Boromen qolǵap túıistirdi.
Qazaqstandyq sportyshynyń qarsylasy osal eems. Ankýshıta Boro 2022 jylǵy Azııa chempıonatynyń qola júldeger atanǵan. 2024 jyly Parıj Olımpıadasynyń lıtsenzııalyq týrnırinde Rımma Volosenkodan basym túsken edi.
Qazaqstandyq boksshy jekpe-jek barysynda shıraq oıyn kósretýge tyrysty. Qarsylasyna kóbirek soqqy jumsaýǵa kúsh saldy. Degenmen tóreshiler sheshimimen jartylaı fınalǵa úndistandyq boksshy shyqty.
Qazirge deıin áıelder quramasynan Jazıra Oraqbaeva (51 keli, Elına Bazarova (54 keli), Rımma Volosenko (60 keli) jarys jolynan shyǵyp qaldy.
Eldos Saıdalın jetekshiligimen qurlyqtyq dodaǵa elimizden ááıelder quramasynda Laýra, Rımma, Jazıra men Elınadan ózge Áıgerim Sáttibaeva (48 keli), Uljan Sársenbek (57 keli), Baqyt Seıdish (70 keli), Valentına Halzova (75 keli), Nadejda Rıabets (80 keli) jáne Dına Islambekova (80 keliden joǵary) el namysyn qorǵaýǵa múmkindik aldy.
Endi el quramasynan búgin kúndizgi sessııada besinshi jupta Sanjar Táshkenbaı (50 keli) úndistandyq Vıshvanash Sýresh, on ekinshi jupta Ertýǵan Zeınýllınov (65 keli) qyrǵyzstandyq Mırzohıd Imamnazarovpen sheberlik baıqasady.
Al keshki sessııada tórtinshi jupta Valentına Halzova (75 keli) Ońtústik Koreıa ókili Sýıeon Seong, toǵyzynshy jupta Aıbek Oralbaı (90 keliden joǵary) ózbekstandyq Arman Mahanovpen kezdesedi.
Aıta ketsek, búgin Orazbek Asylqulov (60 keli) Azııa chempıonatynda japonııalyq Shýnsýke Kıtamotomen kezdesýi kerek edi. Alaıda qarsylas jaraqatyna baılanysta sharshy alańǵa shyqpaıtyny belgili boldy. Osylaısha Orazbek jartylaı fınalǵa ótti.
Qurlyqtyq doda 10 sáýirge deıin sozylady.
