World Boxing: Qazaqstandyq jas boksshylar Azııa chempıonatyn sátti bastady

ASTANA. KAZINFORM — World Boxing aıasynda Taıland astanasy Bangkok qalasynda 19 jáne 22 jasqa deıingiler arasynda 2025 jylǵy Azııa chempıonatynyń alǵashqy jarys kúninde qazaqstandyq segiz boksshy synǵa tústi.

Onda aldymen 19 jasqa deıingiler sharshy alańǵa shyqty. Jeteýi qarsylastaryn qapy qaldyryp, jarysty jalǵastyrýǵa múmkindik aldy. 

Qazaqstandyq boksshylardyń alǵashqy jekpe-jegi týraly nátıje tómendegishe:

Uldar

50 keli. Ádil Asqanbaı — Choı Tszıýn Von (Ońtústik Koreıa). Tóreshiler sheshimimen jeńis koreılik boksshyǵa berildi.

70 keli. Beıbarys Áshirbaı — Farýh ıÝldashev (Túrkmenstan). Tóreshilerdiń biraýyzdan sheshimimen jeńiske qazaqstandyq boksshy laıyq dep tanyldy.

80 keli. Tımýr Taıbekov — Bendjamın Raıan Lı (Sıngapýr). Jekpe-jek úshinshi raýndta tehnıkalyq nokaýtpen qazaqstandyq boksshynyń jeńisimen aıaqtaldy.
90 keliden joǵary. Beksultan Qaıratuly — Islam Salıhov (Ózbekstan). Tóreshiler sheshimimen jeńis qazaqstandyq boksshyǵa berildi.

Qyzdar

48 keli. Dıana Serikbaeva — Kım ıÝn Tszy (Ońtústik Koreıa). Jekpe-jek birinshi raýndta tehnıkalyq nokaýtpen qazaqstandyq boksshynyń jeńisimen aıaqtaldy.

51 keli. Aıym Tańqybaeva -Tran Thı Hoa (Vetnam). Tóreshilerdiń biraýyzdan sheshimimen jeńiske qazaqstandyq boksshy laıyq dep tanyldy. 

54 keli. Janel Imantaeva — Mýslıma Týrgonova (Ózbekstan). Tóreshiler sheshimimen jeńis qazaqstandyq boksshyǵa berildi.

57 keli. Aıajan Ermek — Sakýra Okaıama (Japonııa). Tóreshilerdiń biraýyzdan sheshimimen jeńiske qazaqstandyq boksshy laıyq dep tanyldy.

Atalǵan doda World Boxing federatsııasynyń uıymdastyrýymen ótetin jastar arasyndaǵy alǵashqy qurlyq birinshiligi. Sonymen qatar 26 elden 400-ge jýyq sportshy qatysady.
Qurlyqtyq doda 11 tamyzǵa deıin jalǵasady.