World Boxing: Qazaqstandyq úsh boksshy fınalǵa shyqty

ASTANA. KAZINFORM - Brazılııada ótip jatqan World Boxing aıasynda álem kýbogynyń birinshi kezeńinde el quramasynan úsh boksshy fınalǵa shyqty.

Jartylaı fınalda Nursultan Altynbek (55 keli) úndistandyq Manısh Ratýrımen qolǵap túıistirdi. Jekpe-jek barysynda qazaqstandyq bylǵary qolǵap sheberi senimdi oıyn kórsetti. Nátıjesinde qarsylasyn 5:0 esebimen tize búktirdi.

Taǵy bir jekpe-jekte Dáýlet Tólemisov (85 keli) frantsııalyq Abdýlla Traorımen sheberlik baıqasty. Kezdesý barysynda ol qarsylasynan joǵary deńgeıdegi qımylymen kózge tústi. Ekinshi raýndta qarsylasyn nokaýtqa jiberdi. Jeńis qazaqstandyq boksshyǵa buıyrdy.

Fınalǵa berilgen taǵy bir joldamaǵa Jazıra Oraqbaeva (51 keli) ıe boldy. Jartylaı fınalda ol Natalıa Kýzevskany jeńdi. Esep - 3:2.

Al Uljan Sársenbek (57 keli) polshalyq ıÝlııa Sheremeta, Dıas Moljigitov (75 keli) ózbekstandyq Javohır Ýmmatalıevke ese jiberdi.

Sondaı-aq 3 sáýirde Danııal Saparbaı (90 keliden joǵary) qola júldeger atandy. Ol jartylaı fınalda ózbekstandyq Jahongır Zokırovqa 0:5 esebimen jol berdi.

Qazirge deıin el quramasynan Nurzat Ońǵarov (50 keli), Talǵat Syrymbetov (60 keli), Anıta Ádisheva (54 keli), Almat Ábdýalı (65 keli), Darhan Dúısebaı (70 keli) jarys jolynan shyǵyp qaldy.

World Boxing týrnıri úsh kezeńnen turady. Ekinshi kezeń 30 maýsym - 7 shilde aralyǵynda Qazaqstanda bolady. Al úshinshi kezeń 21-27 shilde aralyǵynda ótedi. Biraq onyń ótetin orny ázirge belgisiz.