World Boxing: qazaqstandyq eki boksshy Azııa chempıonatyn aıaqtady
ASTANA. KAZINFORM - Mońǵolııanyń Ýlan-Bator qalasynda ótip jatqan 2026 jylǵy Azııa chempıonatynyń alǵashqy jarys kúninde qazaqstandyq eki boksshy jarys jolynan shyǵyp qaldy.
El quramasynan búgin, 30 naýryzda eki boksshy sharshy alańǵa shyqqan edi. Olardyń ekeýi de qarsylastaryna ese jiberip, jarysy erte aıaqtaýǵa májbúr boldy.
Otandasymyz Jazıra Oraqbaeva (51 keli) Soltústik Koreıa ókili Kým Bel Anmen kezdesti. Qazaqstandyq boksshy jekpe-jek barysynda esepte alda kele jatqan edi. Degenmen sheshýshi raýnda jaraqatyna baılanysty aıqasty toqtatýǵa májbúr bolyp, jeńis qarsylasyna berildi.
Al Elına Bazarova (54 keli) úndistandyq Prıtıge 0:5 esebimen ese jiberdi.
Endi áıelder quramasynan Aıgerim Sattybaeva (48 keli) ózbekstandyq Sabına Bobokýlova qolǵap túıistirse, Uljan Sársenbek (57 keli) taılandtyq Pýnravı Rýenros pen vetnamdyq Hen Tran Ngýen jubynyń jeńimpazymen jekpe-jek ótkizedi.
Al Rımma Volosenko (60 keli) úndistandyq Prııa, Laýra Esengeldi (65 keli) úndistandyq Ankýshıta Boro, Baqyt Seıdısh (70 keli) Ońtústik Koreıa sportshysy Sýdjın Son men Qytaı ókili Alımıre Abýdýreıımý jubynyń jeńimpazymen qolǵap túıistiredi.
Sondaı-aq Valentına Halzova (75 keli) ońtústikkoreıalyq Sýen Son, Nadejda Rıabets (80 keli) úndistandyq Pýdja Ranı, Dına Islambekova (80 keliden joǵary) ózbekstandyq Oltınoı Sotımboevaǵa qarsy shyǵady.
Elimizdiń erler quramasyndaǵy boksshylardyń da qarsylastary anyqtaldy. Olardyń qatarynan Sanjar Táshkenbaı (50 keli) qyrǵyzstandyq Bekzat Ergeshov pen úndistandyq Vıshvanat Sýresh, Mahmud Sabyrhan (55 keli) ıordanııalyq Mahdı Al-Mashaleh pen ózbekstandyq Shahzod Mýzaffarov juptarynyń jeńimpazdarymen qolǵap túıistiredi.
Taǵy bir otandasymyz Orazbek Asylqulov (60 keli) fılıppındik Pol Djýlıfer Baskon, Ertuǵan Zeınýllınov (65 keli) taıvandyq ıÝ Lınmen kezdesse, Tórehan Sabyrhan (70 keli) ońtústikkoreıalyq En Sý Kım men tájikstandyq Shamsher Saıdov jubynyń jeńimpazymen, Sabyrjan Aqqalyqov japonııalyq Taıga ıAgımen (75 keli) sharshy alańǵa shyǵady.
El quramasynan Erasyl Jaqpekov (80 keli) qyrǵyzstandyq Sagyn Satybaldy ýýlý men ózbekstandyq Fazlıddın Erkınboev, Nurbek Oralbaı (85 keli) mońǵolııalyq Barıahaan Dorj ben ıordanııalyq Mohammad Sýleıman juptarynyń jeńimpazdarymen kezdesse. Saǵyndyq Toǵambaı (90 keli) qytaılyq Han Sıýechjenmen judyryqtasady.
Al asa aýyr salmaqta Aıbek Oralbaı mońǵolııalyq Beknýr Halı men ózbekstandyq Arman Mahanov arasyndaǵy jekpe-jektiń jeńimpazymen sharshy alańǵa shyǵady.
Aıta keteıik, Azııa chempıonaty 30 naýryz ben 10 sáýir aralyǵynda ótedi.
