World Boxing: Qazaqstandyq boksshylar Azııa chempıonatynda 3 tamyzda qandaı nátıje kórsetti

ASTANA. KAZINFORM - World Boxing aıasynda Taıland astanasy Bangkok qalasynda 19 jáne 22 jasqa deıingiler arasynda 2025 jylǵy Azııa chempıonatynda 3 tamyzdaǵy qazaqstandyq boksshylardyń nátıjesi belgili boldy.

Bul kúni el quramasynan Gúlnaz Bóribaeva (48 keli) shırek fınalda jekpe-jek ótkizdi. Otandasymyz japonııalyq Non Gosogavany nokaýtqa tústindi. Nátıjesinde ol jeńimpaz bolyp tanyldy. 

Al shırek fınalda Symbat Alıasqar (54 keli) taıvandyq Chın Lın Chýge ese jiberip, júldege qol jetkize alǵan joq. 

Al 19 jasqa deıingi uldar arasynda Ádilet Tortýbek (60 keli) tóreshilerdiń biraýyzdan sheshimimen úndistandyq Shýbhady qapy qaldyrsa, Ádilbek Kojahan (55 keli) tóreshiler sheshimimen taıvandyq Chıa Fen Pený, Muhıt Nurkabyluly (65 kkeli) úndistandyq Maýsamý Sýhagýǵa jeńilip qaldy.

Qurlyqtyq doda 30 shilde-12 tamyz aralyǵyna belgilengen. Oǵan 25 elden 396 boksshy (237 er jáne 159 áıel) qatysady dep josparlanyp otyr. Olardyń arasynda Qazaqstan, Aýǵanstan, Fılıppın, Gonkong, Úndistan, Indonezııa, Iran, Irak, Japonııa, Ońtústik Koreıa, Saýd Arabııasy, Qyrǵyzstan, Malaızııa, Mońǵolııa, Nepal, Qatar, Qytaı, Sıngapýr, Shrı-Lanka, Taıland, Túrkimenstan, Ózbekstan, BAÁ, Vetnam, Býtan bar.