World Boxing: Qazaqstan Ózbekstannan ozyp ketti
ASTANA. KAZINFORM — Qazaqstan Boks federatsııasynyń resmı Instagram-paraqshasy álemdegi eń tanymal ulttyq boks akkaýnty atandy. Bul týraly Sports.kz World Boxing baspasóz qyzmetine silteme jasap habarlady.
World Boxing quramyndaǵy ulttyq federatsııalar arasynda Qazaqstan Boks federatsııasynyń akkaýnty 300 myń jazylýshymen birinshi orynda tur. Ekinshi orynda — AQSh Boks federatsııasy (218 myń), al úshinshi orynda — Ózbekstan Boks federatsııasy (194 myń jazylýshy).
«Boks árdaıym tek rıngte emes, áleýmettik jelilerde de báseke týdyratyn sport. Bul tańǵaldyrmaıdy, biz 2025 jyly ómir súrip jatyrmyz, mundaǵy laık, pikir jáne repost — oıynnyń bir bóligi.
Biz Instagram-daǵy eń tanymal ulttyq boks federatsııalary qaısysy ekenin anyqtap kórdik.
Sonymen, jazylýshylar sany boıynsha Qazaqstan birinshi orynda! Odan keıin AQSh, Ózbekstan, Anglııa jáne Italııa keledi», - delingen uıymnyń Instagram-paraqshasyndaǵy jazbada.
Aıta keteıik, qazirgi tańda World Boxing prezıdenti — qazaqstandyq Gennadıı Golovkın. Ol bul qyzmetke 23 qarashada Rımde ótken federatsııanyń Dúnıejúzilik kongresinde saılanǵan.