World Boxing: Qazaqstan atynan bokstan álem kýbogyna kimder qatysady
ASTANA. KAZINFORM — Qazaqstan erler jáne áıelder boksy quramasy World Boxing uıymdastyratyn álem kýbogynyń fınalyna qatysatyn sportshylardyń attaryn jarııalady.
Álem kýbogy úsh kezeńnen turady. Alǵashqy kezeńi sáýir aıynda Brazılııanyń Fos-dý-Igýasý qalasynda bolsa, odan keıin shilde aıynda Astana da jalaýyn kóterdi.
Endi bedeldi báseke 16-20 qarashada Úndistannyń Nıý-Delı qalasynda ótedi.
Qazaqstan atynan erler quramasynan 8 boksshy, al áıelder quramasynan 5 sportshy qatysady:
Elimizdiń erler quramasynyń bas bapkeri Qaırat Sátjanov tómendegi bylǵary qolǵap sheberlerine senim artyp otyr. Olardyń qatarynda Nurzat Ońǵarov (50 keli), Nursultan Altynbek (55 keli), Nurbek Mursal (70 keli), Aman Qonysbekov (75 keli), Sanjaráli Begalıev (80 keli), Sultanbek Aıbaruly (85 keli), Bekzat Tańatar (90 keli), Danııal Saparbaı (90 keliden joǵary) bar.
Bas bapker Eldos Saıdalın elimizdiń áıelder quramasynda Aqbota Bolat (48 keli), Jansaıa Rahymberdi (51 keli), Uljan Sársenbek (57 keli), Dıana Maǵaýııaeva (80 keli), Ásel Toqtasyn (80 keliden joǵary) syndy boksshylarǵa senim artty.
Eske salsaq, budan buryn Astanada ótken álem kýbogynda Nazym Qyzaıbaı (48 keli), Mahmud Sabyrhan (55 keli), Bekzad Nurdáýletov (85 keli), Vıktorııa Grafeeva (60 keli), Natalıa Bogdanova (70 keli), Sanjar Tashkenbaı (50 keli), Sabyrjan Aqqalyqov (75 keli), Aıbek Oralbaı (90 keliden joǵary) jeńimpaz tuǵyryna kóterildi.
Al el quramasynan Nurbek Oralbaı (80 keli), Alýa Balqybekova (51 keli) kúmis alsa, Ertýǵan Zeınýllınov (65 keli), Aıdana Zabynbekova (57 keli), Aıda Ábikeeva (65 keli), Saǵyndyq Toǵambaı (90 keli), Eldana Tálipova (80 keliden joǵary) qola júldeni qanaǵat tutty.
Sondaı-aq sáýir aıynda Brazılııanyń Fos-dý-Igýasý qalasynda ótken bokstan álem kýbogynda Dáýlet Tólemisov (85 keli), Nursultan Altynbek (55 keli), Jazıra Oraqbaeva (51 keli) chempıon atandy.
Al Uljan Sársenbek (57 keli), Dıas Moljigitov (75 keli), Danııal Saparbaı (90 keliden joǵary) qola júldege qol sozdy.