World Boxing: Gúlsaıa Erjan aýstralııalyq boksshyǵa ese jiberdi

ASTANA. KAZINFORM - Anglııanyń Lıverpýl qalasynda World Boxing aıasynda ótip jatqan álem chempıonatynda Qazaqstan quramasynan Gúlsaıa Erjan (80 keli) jarys jolyn aıaqtady.

Otandasymyz shırek fınalda aýstralııalyq Eseta Flıntpen sheberlik baıqasty. Nátıjesinde qarsylasyna ese jiberdi.

Búgin el quramasynan Alýa Balqybekova (51 keli), Mahmýd Sabyrhan (55 keli), Tórehan Sabyrhan (70 keli), Aıda Ábikeeva (65 keli), Vıktorııa Grafeeva (60 keli), Eldana Talıpova (80 keliden joǵary) jartylaı fınalǵa shyqsa, Nurbek Oralbaı (80 keli), Saǵyndyq Toǵambaı (90 keli), Karına Ibragımova (57 keli) jarys jolyn aıaqtady.

Endi el quramasynan Bıbarys Jeksen (65 keli), Aıbek Oralbaı (90 keliden joǵary) sharshy alańǵa shyǵady.

Dúbirli doda 4-14 qyrkúıek aralyǵynda Anglııanyń Lıverpýl qalasynda ótedi. Jekpe-jekter «Qazaqstan» jáne «Qazsport» telearnalarynan tikeleı efırde kórsetiledi.

Álemniń ár qıyrynan kelgen boksshylar 4-10 qyrkúıek aralyǵynda irikteý kezeńinde saıysqa túsedi. Al 12-13 qyrkúıekte jartylaı bolsa, 13-14 qyrkúıekte fınaldyq básekeler ótedi.