World Boxing federatsııasynyń prezıdenttigine úmitker Golovkın negizgi 4 baǵytyn atady
ASTANA. KAZINFORM — Qazir World Boxing halyqaralyq federatsııasynyń prezıdenttigine kandıdattardyń tanystyrylymy ótip jatyr.
Óziniń saılaý aldyndaǵy sózinde GGG eń mańyzdy másele — boks bolashaǵy úshin kúresýge daıyn ekenin málimdedi.
Ol federatsııaǵa adaldyq, ashyqtyq jáne sportshylarǵa basymdyq berý qajet ekenin atap ótti. Sonymen qatar óz manıfestiniń negizgi tórt baǵytyn tanystyrdy:
- sportshylar árkez birinshi orynda,
- adaldyq,
- ınnovatsııalar
- jáne qarjylyq turaqtylyq.
Golovkın federatsııa músheleriniń qoldaýymen World Boxing Halyqaralyq Olımpıada komıtetiniń tolyq senimin qaıtara alatynyn jáne boks sportyn Olımpıadalarda — Los-Andjeles 2028 jáne odan keıingi oıyndarda turaqtandyra alatynyn aıtty.
— Kóshbasshylyq — adamdardyń ústinen qaraý emes, olarmen qatar turý, — dedi ol.
Eske salsaq, búgin Italııada World Boxing federatsııasynyń prezıdenti saılanady. Qazaqstannyń Ulttyq Olımpıada komıtetiniń prezıdenti, ańyzǵa aınalǵan boksshy Gennadıı Golovkın úmitkerlerdiń biri retinde tańdaldy.