World Boxing endi týrnırge qatysatyn boksshylardy genderlik testileýden ótkizedi

ASTANA. KAZINFORM — World Boxing uıymy endi týrnırlerine qatysý quqyǵyn anyqtaý úshin barlyq boksshyny genderlik testileýden ótýge mindetteıdi.

Uıymnyń jarııalanǵan málimdemesinde aıtylǵandaı, World Boxing er men áıel sportshylardyń jarysqa qatysý quqyǵyn anyqtaý úshin mindetti genderlik testileýdi engizedi.

- Mindetti testileýdi engizý barlyq qatysýshynyń qaýipsizdigin qamtamasyz etý jáne erler men áıelder úshin teń jaǵdaı jasaý úshin jańa «jynys, jas jáne salmaq» saıasatynyń bóligi bolady, - dep atap ótti World Boxing.

World Boxing 30 mamyrda Aljır boks federatsııasyna hat joldady. Onda Parıjdegi XXXIII Olımpıada oıyndaryndaǵy boks týrnıriniń jeńimpazy Iman Helıf testileý erejeleri men rásimderine sáıkes jynysy genetıkalyq skrınıngten ótkenge deıin bokstan Eındhoven kýbogyna nemese kez kelgen basqa World Boxing is-sharasynda áıelder sanatyna qatysýǵa jiberilmeıtini týraly habarlanǵan.

Esterińizge sala keteıik, Helıf pen taıvandyq boksshy Lın ıÝı-tın Parıj Olımpıadasynan keıin áleýmettik jelilerde qyzý pikirtalas týdyrǵan janjaldan keıin nazarǵa ilikti.