World Boxing: Danııal Saparbaı búgin jartylaı fınal oıyndaryn bastaıdy

ASTANA. KAZINFORM - World Boxing aıasynda ótetin álem kýbogynyń birinshi kezeńinde 3 sáýirde el quramasynan Danııal Saparbaı (90 keliden joǵary) jartylaı fınal oıyndaryn bastaıdy.

Qazaqstandyq boksshy jarystyń atalǵan satysynda ózbekstandyq Jahongır Zokırovpen qolǵap túıistiredi. 

Odan bólek 4 sáýirde jartylaı fınalda Nursultan Altynbek (55 keli), Jazıra Oraqbaeva (51 keli), Uljan Sársenbek (57 keli), Dıas Moljigitov (75 keli) pen Dáýlet Tólemisov (85 keli) saıysqa túsedi.

Qazirge deıin el quramasynan Nurzat Ońǵarov (50 keli), Talǵat Syrymbetov (60 keli), Anıta Ádisheva (54 keli), Almat Ábdýalı (65 keli), Darhan Dúısebaı (70 keli) jarys jolynan shyǵyp qaldy.

World Boxing týrnıri úsh kezeńnen turady. Ekinshi kezeń 30 maýsym — 7 shilde aralyǵynda Qazaqstanda bolady. Al úshinshi kezeń 21-27 shilde aralyǵynda ótedi. Biraq onyń ótetin orny ázirge belgisiz.