World Boxing: búgin Taılandta bokstan jastar arasyndaǵy Azııa chempıonaty bastalady
ASTANA. KAZINFORM — Búgin Taılandtyń Bangkok qalasynda World Boxing federatsııasynyń uıymdastyrýymen bokstan jastar arasyndaǵy Azııa chempıonaty bastalady. Bul týraly UOK málim etti.
Jarys qarsańynda jerebe tartý rásimi ótti. Onyń qorytyndysy boıynsha qazaqstandyq boksshylardyń alǵashqy qarsylastary anyqtaldy.
Atalǵan doda World Boxing federatsııasynyń uıymdastyrýymen ótetin jastar arasyndaǵy alǵashqy qurlyq birinshiligi. Sonymen qatar 26 elden 400-ge jýyq sportshy qatysady.
Búgin, 31 shildede jerebe tartý rásimi ótti. Nátıjesinde Baqyt Sársekbaev bastaǵan jigitterdiń alǵashqy qarsylastary belgili boldy.
Buǵan deıin ulttyq qurama sapy kil myqtylarmen jasaqtalǵanyn jazǵan edik. Bul basqa eldiń quramalaryna da qatysty. Sebebi jarysqa tirkelgen sportshylardyń qatarynda jastar jáne jasóspirimder arasynda top jaryp júrgender bar.
Mysaly, Samandar Olımov (Ózbekstan), Prıt Malık (Úndistan), Halımjon Mamasolıev (Ózbekstan), Shavkatjon Boltaev (Ózbekstan) syndy jastar arasyndaǵy álem chempıonadary men qurlyq birinshiliginiń júldegerleri sharshy alańǵa shyǵady. Jalpy týrnır joǵary deńgeıde ótetini anyq.
Tómende erler arasynda jerebe tartý rásiminiń nátıjesi kórsetilgen:
50 kelige deıin: Nurzat Ońǵarov – Vıkı Tahýmıl (Indonezııa)
55 kelige deıin: Beksultan Boranbek – Samandar Olımov (Ózbekstan)
60 kelige deıin: Nurıslam Qaldybaev – Syn Hýn ıÝ (Ońtústik Koreıa)
65 kelige deıin: Ilıa Kalının – Malık Prıt (Úndistan)
70 kelige deıin: Nurbek Mýrsal – Kartık Dalal (Úndistan) – Brendon Sorıano (Fılıppın) arasyndaǵy jekpe-jek jeńimpazy
75 kelige deıin: Aman Qonysbek – Shavkatjon Boltaev (Ózbekstan)
80 kelige deıin: Sanjaraly Begalıev – Sonvý Chan (Ońtústik Koreıa)
85 kelige deıin: Azatbek Joldashan – Rokı Chaýdharı (Úndistan)
90 kelige deıin: Temirlan Muqataev – Kýo Chao (Qytaı)
90 keliden joǵary: Nurasyl Asylhan – Halımjon Mamasolıev (Ózbekstan)
U22 áıelder arasyndaǵy jerebe tartý rásiminiń qorytyndysy:
48 kelige deıin: Gúlnaz Bóribaeva – Chı Ngo (Vetnam)
51 kelige deıin: Tomırıs Myrzaqul – Kım (Ońtústik Koreıa)
54 kelige deıin: Symbat Álıasqar – Chın-Lın (Taıbeı)
57 kelige deıin: Vıktorııa Baıdýkova – Hýmoraboný Mamadjonova (Ózbekstan)
60 kelige deıin: Ásem Tańatar – ıÝ Tıan (Qytaı)
65 kelige deıin: Arýjan Janabaeva – Dına Shanatbıeke (Qytaı)
70 kelige deıin: Baqyt Seıdish – Jang (Qytaı) – Parndjal (Úndistan) arasyndaǵy jekpe-jek jeńimpazy
75 kelige deıin: Shuǵyla Nálibaı - Shrýtı (Úndistan)
80 keliden joǵary: Ásel Toqtasyn – Dıerahon Abdýmanvobova (Ózbekstan)
Qazaqstandyq boksshylardyń barlyǵy jarys jolyna alǵashqy aınalymnan bastap shyqpaıdy. Mysaly, Nurbek Mursal (75 kelige deıin), Gúlnaz Bóribaeva (48 kelige deıin), Symbat Álıasqar (54 kelige deıin), Ásem Tańatar (60 kelige deıin), Arýjan Janabaeva (65 kelige deıin), Baqyt Seıdish (70 kelige deıin) týrnırdi shırek fınaldan bastasa, Shuǵyla Nálibaı (75 kelige deıin) jáne Ásel Toqtasyn (80 keliden joǵary) birden fınalǵa shyǵý úshin judyryqtasady.
Aıta keteıik, 1 tamyzda alǵash bolyp U19 jas sanatyndaǵy sportshylar baq synaıtyn bolady. Týrnırdiń ózi 11 tamyzǵa deıin jalǵasady.
Aıta keteıik, Jańajol Qýanyshbek grek-rım kúresinen jasóspirimder arasynda álem chempıony atanǵanyn jazǵan edik.