World Boxing: búgin Nursultan Altynbek Álem kýbogynda el namysyn qorǵaıdy

ASTANA. KAZINFORM — Búgin Brazılııada bokstan World Boxing aıasynda álem kýbogynyń birinshi kezeńindegi alǵashqy jarys kúninde el quramasynan bir sportshy sharshy alańǵa shyǵady.

бокс қолғабы
Фото: pixabay.com

Qazaqstan boks federatsııasynyń habarlaýynsha, dúbirli doda 30 naýryz-6 sáýir aralyǵynda ótedi dep josparlanyp otyr. 

Alǵashqy jarys kúninde erler quramasynan Nursultan Altynbek (55 keli) rıngke shyǵady. Qarsylasy — brazılııalyq Mıshel Trındade.

Sondaı-aq álem kýbogynda elimizdiń atynan erler quramasynda Nurzat Ońǵarov (50 keli), Talǵat Syrymbetov (60 keli), Almat Ábdýáli (65 keli), Darhan Dúısebaı (70 keli), Dıas Moljigitov (80 keli), Dáýlet Tólemisov (85 keli) jáne Danııal Saparbaı (90 keliden joǵary) saıysqa túsedi.

Al áıelder quramasynan Jazıra Oraqbaeva (51 keli), Anıta Ádisheva (54 keli), Uljan Sársenbek (57 keli) el namysyn qorǵaıdy.

World Boxing týrnıri úsh kezeńnen turady. Ekinshi kezeń 30 maýsym-7 shilde aralyǵynda Qazaqstanda bolady. Al úshinshi kezeń 21-27 shilde aralyǵynda ótedi. Biraq onyń ótetin orny ázirge belgisiz.

Сейчас читают