World Boxing: Búgin qazaqstandyq úsh boksshy fınalda sharshy alańǵa shyǵady

ASTANA. KAZINFORM — Brazılııanyń Fos-dý-Igýasý qalasynda World Boxing aıasynda ótip jatqan bokstan álem kýbogynda qazaqstandyq úsh boksshy fınalda synǵa túsedi.

Kúndizgi sessııa qazaqstandyq ýaqytpen 22:00–de bastalady. Bul sessııada el quramasynan Dáýlet Tólemisov (85 keli) sharshy alańǵa shyǵady. Qarsylasy — ózbekstandyq Akmaljon Isroılov. Olar jekpe-jekke segizinshi jupta shyǵady.

Al 5 sáýirden 6-na qaraǵan túni qazaqstandyq ýaqytpen 3:00–de bastalatyn keshki sessııada qazaqstandyq boksshylardyń qatysýymen taǵy eki jekpe-jek ótedi. Aldymen birinshi jupta Jazıra Oraqbaeva (51 keli) ıtalııalyq Elen Aııarımen kezdesse, besinshi jupta Nursultan Altynbek (55 keli) Mırazızbekom Mırzahalılovpen kezdesedi.

Al Uljan Sársenbek (57 keli), Dıas Moljigitov (75 keli), Danııal Saparbaı (90 keliden joǵary) qola júldeger atandy.

Qazirge deıin el quramasynan Nurzat Ońǵarov (50 keli), Talǵat Syrymbetov (60 keli), Anıta Ádisheva (54 keli), Almat Ábdýalı (65 keli), Darhan Dúısebaı (70 keli) jarys jolynan shyǵyp qaldy.

World Boxing týrnıri úsh kezeńnen turady. Ekinshi kezeń 30 maýsym — 7 shilde aralyǵynda Qazaqstanda bolady. Al úshinshi kezeń 21-27 shilde aralyǵynda ótedi. Biraq onyń ótetin orny ázirge belgisiz.