World Boxing: Búgin Azııa chempıonatynda qazaqstandyq bir boksshy synǵa túsedi
ASTANA. KAZINFORM — Mońǵolııa astanasy Ulanbatyr qalasynda ótip jatqan World Boxing aıasyndaǵy 2026 jylǵy Azııa chempıonatynda el quramasynan 1 sáýirde Orazbek Asylqulov (60 keli) sharshy alańǵa shyǵady.
Otandasymyz fılıppındik Pol Baskonmen qolǵap túıistiredi. Jeńimpaz shırek fınalǵa deıin joldama alady.
Qurlyqtyq dodaǵa erler quramasy sapynda Orazbekten ózge Sanjar Táshkenbaı (50 keli), Mahmud Sabyrhan (55 keli), Ertýǵan Zeınýlınov (65 keli), Tórehan Sabyrhan (70 keli), Sabyrjan Aqqalyqov (75 keli), Erasyl Jaqpekov (80 keli), Nurbek Oralbaı (85 keli), Saǵyndyq Toǵambaı (90 keli) jáne Aıbek Oralbaı (90 keliden joǵary) bardy.
Qurlyqtyq doda 10 sáýirge deıin sozylady. Onda elimizdiń atynan barlyǵy 20 boksshy (erler — 10, áıelder -10) attandy. Qazir olardyń arasynan Jazıra Oraqbaeva (51 keli, Elına Bazarova (54 keli), Rımma Volosenko (60 keli) jarys jolynan shyǵyp qaldy.
Eldos Saıdalın jetekshiligimen qurlyqtyq dodaǵa elimizden ááıelder quramasynda Rımma, Jazıra men Elınadan ózge Áıgerim Sáttibaeva (48 keli), Uljan Sársenbek (57 keli), Laýra Esenkeldi (65 keli), Baqyt Seıdish (70 keli), Valentına Halzova (75 keli), Nadejda Rıabets (80 keli) jáne Dına Islambekova (80 keliden joǵary) el namysyn qorǵaýǵa múmkindik aldy.
