World Boxing: Búgin Azııa chempıonatynda qazaqstandyq bes boksshy saıysqa túsedi

ASTANA. KAZINFORM — World Boxing aıasynda Taıland astanasy Bangkok qalasynda 19 jáne 22 jasqa deıingiler arasynda 2025 jylǵy Azııa chempıonatynda 3 tamyzda qazaqstandyq bes boksshy sharshy alańǵa shyǵady.

Aldymen kúndizgi sessııada 19 jasqa deıingiler arasynda úsh boksshy el namysyn qorǵaıdy.

8 jup. 55 keli. Ádilbek Kojahan — Chıa Fen Pen (Taıvan)

14 jup. 60 keli. Ádilet Tortýbek — Shýbham (Úndistan)

21 jup. 65 kg. Mýhıt Nurqabyluly — Maýsam Sýhag (Úndistan).

Keshki sessııada 22 jasqa deıingiler arasynda qyzdar sharshy alańǵa shyǵady.

3 jup. 48 keli. Gúlnaz Bóribaeva — Non Gosogava (Japonııa)

10 jup. 54 keli. Symbat Alıasqar — Chın Lın Chý (Taıvan).

Aıta ketsek, keshki sessııada shırek fınal ótedi. Onyń jeńimpazdary qurlyqtyq doda medaline ıe bolady.

Qurlyqtyq doda 30 shilde-12 tamyz aralyǵyna belgilengen. Oǵan 25 elden 396 boksshy (237 er jáne 159 áıel) qatysady dep josparlanyp otyr. Olardyń arasynda Qazaqstan, Aýǵanstan, Fılıppın, Gonkong, Úndistan, Indonezııa, Iran, Irak, Japonııa, Ońtústik Koreıa, Saýd Arabııasy, Qyrǵyzstan, Malaızııa, Mońǵolııa, Nepal, Qatar, Qytaı, Sıngapýr, Shrı-Lanka, Taıland, Túrkimenstan, Ózbekstan, BAÁ, Vetnam, Býtan bar.

Eske salsaq, 2 tamyzda Azııa chempıonatynda qazaqstandyq alty boksshy synǵa tústi.