World Boxing: búgin Azııa chempıonatynda el quramasynan kimder shyǵady
ASTANA. KAZINFORM - Mońǵolııanyń Ýlan-Bator qalasynda ótip jatqan World Boxing aıasyndaǵy 2026 jylǵy Azııa chempıonatynda búgin, 31 naýryzda el quramasynyń bir boksshy sharshy alańǵa shyǵady.
Otandastarymyzdyń arasynan Rımma Volosenko (60 keli) 1/8 fınalda úndistandyq Prııamen qolǵap túıistiredi. Olardyń jekpe-jegi besinshi jupqa belgilengen.
Azııa chempıonaty «Qazsport» telearnasynan tikeleı efırde kórsetiledi.
Qurlyqtyq doda 10 sáýirge deıin sozylady. Onda elimizdiń atynan barlyǵy 20 boksshy (erler - 10, áıelder -10) attandy.
Qazirge deıin el quramasynan Jazıra Oraqbaeva (51 keli, Elına Bazarova (54 keli) jarys jolynan shyǵyp qaldy.
Eldos Saıdalın jetekshiligimen qurlyqtyq dodaǵa Jazıra men Elınadan ózge bylǵary qolǵap sheberleri qatysatyn boldy. Olardyń qatarynda Áıgerim Sáttibaeva (48 keli), Uljan Sársenbek (57 keli), Rımma Volosenko (60 keli), Laýra Esenkeldi (65 keli), Baqyt Seıdish (70 keli), Valentına Halzova (75 keli), Nadejda Rıabets (80 keli) jáne Dına Islambekova (80 keliden joǵary) bar.
Aldaǵy Azııa chempıonatynda Mahmud Sabyrhan men Aıbek Oralbaıdan ózge el quramasynda Sanjar Táshkenbaı (50 keli), Mahmud Sabyrhan (55 keli), Orazbek Asylqulov (60 keli), Ertýǵan Zeınýlınov (65 keli), Tórehan Sabyrhan (70 keli), Sabyrjan Aqqalyqov (75 keli), Erasyl Jaqpekov (80 keli), Nurbek Oralbaı (85 keli), Saǵyndyq Toǵambaı (90 keli) synǵa túsedi.
