World Boxing: bokstan Qazaqstan quramasy Mońǵolııa astanasyna jetti

ASTANA. KAZINFORM - Bokstan Qazaqstan quramasy World Boxing aıasyndaǵy Azııa chempıonatyna qatysý úshin Mońǵolııa astanasy Ulanbatyr qalasyna jetti.

Qurlyqtyq doda 30 naýryz-10 sáýir aralyǵynda ótedi.

Bas bapker Nurjan Nasanovtyń jetekshiligimen bokstan Qazaqstan erler quramasy Túrkistan oblysynda birlesken oqý-jattyǵý jıynyn ótkizse, áıelder quramasy daıyndyqty Almaty oblysynda uıymdastyrdy.

Bas bapker Nurjan Nysanov erler quramasynda negizinen tájirıbeli bylǵary qolǵap sheberlerine senim artty.

Olardyń qatarynda Sanjar Táshkenbaı (50 keli), Mahmud Sabyrhan (55 keli), Orazbek Asylqulov (60 keli), Ertýǵan Zeınýlınov (65 keli), Tórehan Sabyrhan (70 keli), Sabyrjan Aqqalyqov (75 keli), Erasyl Jaqpekov (80 keli), Nurbek Oralbaı (85 keli), Saǵyndyq Toǵambaı (90 keli) jáne Aıbek Oralbaı (90 keliden joǵary) bar.

Eldos Saıdalın jetekshiligimen qurlyqtyq dodaǵa tómendegi bylǵary qolǵap sheberleri qatysatyn boldy. Olardyń qatarynda Áıgerim Sáttibaeva (48 keli), Jazıra Oraqbaeva (51 keli), Elına Bazarova (54 keli), Uljan Sársenbek (57 keli), Rımma Volosenko (60 keli), Laýra Esenkeldi (65 keli), Baqyt Seıdish (70 keli), Valentına Halzova (75 keli), Nadejda Rıabets (80 keli) jáne Dına Islambekova (80 keliden joǵary) bar.

World Boxing uıymy eresekter arasyndaǵy alǵashqy ret qurlyqtyq birinshilikti uıymdastyrýdy qolǵa alyp otyr.