World Boxing: Azııa chempıonatynda taǵy qazaqstandyq tórt boksshy jartylaı fınalǵa shyqty

ASTANA. KAZINFORM - World Boxing aıasynda Taıland astanasy Bangkok qalasynda 19 deıingiler arasynda bokstan 2025 jylǵy Azııa chempıonatynda búgin, 5 tamyzda taǵy qazaqstandyq tórt boksshy jartylaı fınalǵa shyqty.

El quramasynan Janel Imantaeva (54 keli) shırek fınalda Ońtústik Koreıa ókili Djıe Kımniń osal tusyn tapsa, Aıajan Ermek (57 keli) taılandtyq Chavalýk Sonnýdy qapy qaldyrdy.

Al Alına Kýdaıgenova (60 keli) Alına Kýdaıgenova Ońtústik Koreıadan kelgen Djıhe Hondy jeńse, Aqbota Esimbekova (65 keli) qyrǵyzstandyq Aıperı Adylbekovany tize búktirdi.

Sondaı-aq el quramasynan Marııa Sıdorenko (70 keli) qytaılyq Almıra Abdýraımǵa ese jiberip, júldesiz qaldy.

Budan buryn el quramasynan Aıym Tańqybaeva (51 keli) jartylaı fınalǵa joldama aldsa, 
Dıana Serikbaeva (48 keli) shırek fınaldan asa alǵan joq.

Endi el quramasynan Zarına Tolybaı (75 keli) úndistandyq Aartı Kýmarımen kezdesedi.

Qurlyqtyq doda 30 shilde-12 tamyz aralyǵyna belgilengen. Oǵan 25 elden 396 boksshy (237 er jáne 159 áıel) qatysady dep josparlanyp otyr. Olardyń arasynda Qazaqstan, Aýǵanstan, Fılıppın, Gonkong, Úndistan, Indonezııa, Iran, Irak, Japonııa, Ońtústik Koreıa, Saýd Arabııasy, Qyrǵyzstan, Malaızııa, Mońǵolııa, Nepal, Qatar, Qytaı, Sıngapýr, Shrı-Lanka, Taıland, Túrikmenstan, Ózbekstan, BAÁ, Vetnam, Býtan bar.