World Boxing: Azııa chempıonatynda qazaqstandyq tórt boksshy fınalǵa shyqty

ASTANA. KAZINFORM - World Boxing aıasynda Taıland astanasy Bangkok qalasynda 19 jasqa deıingiler arasynda Azııa chempıonatynda búgin qazaqstandyq tórt boksshy fınalǵa shyqty.

El quramasynan Tımýr Taıbekov (80 keli) túrkimenstandyq Sapargeldi Nýrıagdyevpen qolǵap túıistirdi. Jekpe-jek barysynda qazaqstandyq boksshy basymdyqty tanytty. Nátıjesinde tóreshilerdiń biraýyzdan sheshimimen Tımýr Taıbekov jartylaı fınalǵa joldama aldy. 

Al Bıbarys Ashırbaı (70 keli) shırek fınalda mońǵolııalyq Battýmýr Nıam-Ochırmen kezdesken edi. Ol qarsylasyn alǵashqy raýndta bir, ekinshi raýndta eki márte nokdaýnǵa jiberdi. Osylaısha ol mońǵolııalyq boksshyny ýaqytynan erte tize búktirdi. 

Sondaı-aq el quramasynan Nursultan Shildebaı (75 keli) taılandtyq boksshy Takla Sangpakpen kezdesti. Ol alǵashqy eki raýndta qarsylasyn úsh márte nokdaýnǵa jiberip, jekpe-jekti jeńispen aıaqtady. 

El quramasynan Ádilet Tortýbek (60 keli) te taıvandyq Shen Chık Kýony jeńip, jartylaı fınalǵa shyqty. 

Búgin Nursultan Kystaýbaı (85 keli) qyrǵyzstandyq Azıret Avtandılov, Rasýl Asanhanov (90 keli) ırandyq Arvın Shahbaıkýtenaımen sheberlik baıqasady.. 

Endi 19 jasqa deıingiler jartylaı fınalda 8 tamyz kúni synǵa tússe, fınal 10 tamyzǵa belgilengen. Al 22 jasqa edıingiler arasyndaǵy fınal 12 tamyz kúni bolady. 

Qurlyqtyq doda 30 shilde-12 tamyz aralyǵyna belgilengen. Oǵan 25 elden 396 boksshy (237 er jáne 159 áıel) qatysady dep josparlanyp otyr. Olardyń arasynda Qazaqstan, Aýǵanstan, Fılıppın, Gonkong, Úndistan, Indonezııa, Iran, Irak, Japonııa, Ońtústik Koreıa, Saýd Arabııasy, Qyrǵyzstan, Malaızııa, Mońǵolııa, Nepal, Qatar, Qytaı, Sıngapýr, Shrı-Lanka, Taıland, Túrkimenstan, Ózbekstan, BAÁ, Vetnam, Býtan bar.

Eske salsaq, budan buryn World Boxing aıasynda Taıland astanasy Bangkok qalasynda 22 jasqa deıingiler arasynda Azııa chempıonatynda búgin qazaqstandyq bes boksshy fınalǵa shyqty.