World Boxing: Azııa chempıonatynda qazaqstandyq boksshylardyń qarsylastary anyqtaldy
ASTANA. KAZINFORM — Mońǵolııa astanasy Ulanbatyr qalasynda ótip jatqan World Boxing aıasyndaǵy 2026 jylǵy Azııa chempıonatynda qazaqstandyq tórt boksshynyń aldaǵy qarsylastary anyqtaldy.
Qurlyqtyq dodada 3 sáýirde shırek fınalda álem chempıony Tórehan Sabyrhan (70 keli) tájikstandyq Shamshıer Saıdovpen qolǵap túıistiredi. Tájikstandyq sportshy 2023 jyly «Elorda kýbogynda» Elnur Súıinbaı, Temirhan Tezek, Nurqadam Ábdiresh syndy qazaq boksshylarynan basym túsip, jeńimpaz atanǵan edi.
Sondaı-aq sol kúni keshki sessııada 2 dúrkin álem chempıony Mahmud Sabyrhan (55 keli) jarys jolyn bastaıdy.
Onyń qarsylasy — jastar arasynda álem chempıony atanǵan ózbekstandyq Shahzod Muzafarov. Qos boksshy buǵan deıin Azııa chempıonaty men «Elorda kýbogynda» 3 márte jolyǵyp, barlyǵynda otandasymyz basym tústi.
Al álem chempıony Aıbek Oralbaı (90 keli) ózbekstandyq Arman Mahanovpen sharshy alańǵa shyǵady. Arman irikteý kezeńinde mońǵolııalyq qazaq Beknur Qalıdy qapy qaldyrdy.
Aıbek pen Armannyń jekpe-jegi 4 sáýirge belgilengen. Jeńimpaz jartylaı fınalǵa joldama alady. Ekeýi ázirge bir-birimen sharshy alańda kezdesip kórgen emes.
Eske salsaq, budan buryn 2026 jylǵy Azııa chempıonatynda qaı eldiń sportshylary shırek fınalǵa shyqqany belgili boldy.
