World Boxing: Azııa chempıonatynda qaı elden qansha boksshy shyqty
ASTANA. KAZINFORM - Mońǵolııa astanasy Ulanbatyr qalasynda ótip jatqan World Boxing aıasyndaǵy 2026 jylǵy Azııa chempıonatynda Qazaqstan quramasy sapynan jartylaı fınalǵa qansha boksshy shyqqany belgili boldy.
Qurlyqtyq dodada 4-5 sáýir kúnderi shırek fınal ótip, jartylaı fınal joldamasy sarapqa salyndy. Nátıjesinde el quramasynan barlyǵy 13 boksshy jarysty jalǵastyrýǵa múmkindik aldy. Bul jóninen otandastarymyz jalpy esepte ekinshi orynda tur.
Endi jartylaı fınalda Úndistan - 16, Ózbekstan - 11, Qytaı - 8, Mońǵolııa - 5, Taıland, Taıvan, Japonııa - 4, Soltústik Koreıa, Tájikstan, Iordanııa - 3, Ońtústik Koreıa - 2, Fılıppın men Túrikmenstan - 1 úzdigine úmit artady.
Elimizdiń erler quramasynan Mahmud Sabyrhan (55 keli), Orazbek Asylqulov (60 keli), Ertýǵan Zeınýllınov (65 keli), Tórehan Sabyrhan (70 keli), Sabyrjan Aqqalyqov (75 keli), Nurbek Oralbaı (85 keli), Saǵyndyq Toǵambaı (90 keli), Aıbek Oralbaı (90 keliden joǵary) endi fınal joldamasyn sarapqa salady.
Al áıelder quramasynda Aıgerim Sáttibaeva (48 keli), Baqyt Seıdish (70 keli), Valentına Halzova (75 keli), Nadejda Rıabets (80 keli), Dına Islambekova (80 keliden joǵary) jartylaı fınalda sharshy alańǵa shyǵady.
Aıta ketsek, otandastarymyz arasynan Sanjar Tashkenbaı (50 keli), Erasyl Jaqpekov (80 keli), Laýra Esenkeldi (65 keli), Jazıra Oraqbaeva (51 keli, Elına Bazarova (54 keli), Rımma Volosenko (60 keli) jarys jolyn erte aıaqtady.
