World Boxing: Azııa chempıonatynda elimizdiń 19 jasqa deıingi qyzdar quramasy 7 medal aldy

ASTANA. KAZINFORM - World Boxing aıasynda Taıland astanasy Bangkok qalasynda 19 jasqa deıingi qyzdar arasynda Azııa chempıonatynda Qazaqstan quramasy jarysty aıaqtady.

Qurlyqtyq dodada otandastarymyz 7 medalǵa qol jetkizdi. Onyń ishine 1-eýi altyn, 1-eýi kúmis, 5-eýi qola medalǵa qol jetkizdi.

El quramasynan Quralaı Eginbaıqyzy (80 keli) Azııa chempıony ataǵyn jeńip aldy. Ol aqtyq synda úndistandyq Krıtıka Ýasannan 3:2 esebimen basym tústi.

Al Aıajan Ermek (57 keli) kúmis júldeger atansa, Aıym Tańqybaeva (51 keli), Janel Imantaeva (54 keli), Alına Kudaıgenova (60 keli), Aqbota Esimbekova (65 keli) jáne Sabına Jaqsylyq (80 keliden joǵary) úzdik úshtikti túıindedi.

Qurlyqtyq doda 30 shilde-12 tamyz aralyǵyna belgilengen. Oǵan 25 elden 396 boksshy (237 er jáne 159 áıel) qatysady dep josparlanyp otyr.

Olardyń arasynda Qazaqstan, Aýǵanstan, Fılıppın, Gonkong, Úndistan, Indonezııa, Iran, Irak, Japonııa, Ońtústik Koreıa, Saýd Arabııasy, Qyrǵyzstan, Malaızııa, Mońǵolııa, Nepal, Qatar, Qytaı, Sıngapýr, Shrı-Lanka, Taıland, Túrikmenstan, Ózbekstan, BAÁ, Vetnam, Býtan bar.

Endi qurlyqtyq dodada 19 jasqa deıingi uldar arasynda jekpe-jekter ótedi.