World Boxing: Azııa chempıonatynda eki boksshy fınalǵa shyqty

ASTANA. KAZINFORM - World Boxing aıasynda Taıland astanasy Bangkok qalasynda 19 jasqa deıingiler arasynda Azııa chempıonatynda búgin bir boksshy ǵana fınalǵa shyqty.

El quramasynan Quralaı Eginbaıqyzy (80 keli) Ózbekstan sportshysy Rýhshona Parpıevamen sheberlik baıqasty. Úsh raýndtyń qorytyndysy boıynsha tóreshilerdiń biraýyzdan sheshimimen 5:0 esebimen jeńis qazaqstandyq boksshyǵa berildi. 

Sondaı-aq Aıajan Ermek (57 keli) vetnamdyq Thı Thom Výdy jeńip, fınalǵa ótti. 

Al Aıym Tańqybaeva (51 keli) qytaılyq Shý Lıý, Janel Imantaeva (54 keli) qytaılyq Sırýı ıAn, Alına Qudaıgenova (60 keli) ózbekstandyq Sevara Mamatova, Sabına Jaqsylyq (80 keli) úndistandyq Parchı Tokasqa jol berse, Aqbota Esimbekova (65 keli) japonııalyq Arında Akımotodan jeńilip qaldy. 

Endi el quramasynan uldar arasynda Ádilet Tortýbek (60 keli), Beıbarys Áshárbaı (70 keli), Nursultan Shildebaı (75 keli), Tımýr Taıbekov (80 keli), Nursultan Qystaýbaı (85 keli), Rasýl Asanhanov (90 keli) sharshy alańǵa shyǵady. 

Qurlyqtyq doda 30 shilde-12 tamyz aralyǵyna belgilengen. Oǵan 25 elden 396 boksshy (237 er jáne 159 áıel) qatysady dep josparlanyp otyr. Olardyń arasynda Qazaqstan, Aýǵanstan, Fılıppın, Gonkong, Úndistan, Indonezııa, Iran, Irak, Japonııa, Ońtústik Koreıa, Saýd Arabııasy, Qyrǵyzstan, Malaızııa, Mońǵolııa, Nepal, Qatar, Qytaı, Sıngapýr, Shrı-Lanka, Taıland, Túrkimenstan, Ózbekstan, BAÁ, Vetnam, Býtan bar.

Eske salsaq, budan buryn Taılandtaǵy Azııa chempıonatynda bes boksshy fınalǵa shyqty.