World Boxing: Azııa chempıonatyna elimizdiń 22 jasqa deıingi qyzdar quramasynda kimder synǵa túsedi

ASTANA. KAZINFORM - Taıland astanasy Bangkok qalasynda bokstan World Boxing uıymynyń Azııa chempıonatyna qatysatyn 22 jasqa deıingi qyzdar quramasy belgili boldy.

Bas bapker Eldos Saıdalın Gúlnaz Bóribaeva (48 keli), Tomırıs Myrzaqul (51 keli), Elına Bazarova (54 keli), Vıktorııa Baıdýkova (57 keli), Ásem Tańatar (60 keli), Arýjan Jańabaeva (65 keli), Baqyt Seıdısh (70 keli), Shuǵyla Nálibaı (75 keli), Ásel Toqtasyn (80 keliden joǵary) syndy shákirtterine senim artty.

Qurlyqtyq doda 30 shilde-12 tamyz aralyǵyna belgilengen. Oǵan 25 elden 396 boksshy (237 er jáne 159 áıel) qatysady dep josparlanyp otyr. Olardyń arasynda Qazaqstan, Aýǵanstan, Fılıppın, Gonkong, Úndistan, Indonezııa, Iran, Irak, Japonııa, Ońtústik Koreıa, Saýd Arabııasy, Qyrǵyzstan, Malaızııa, Mońǵolııa, Nepal, Qatar, Qytaı, Sıngapýr, Shrı-Lanka, Taıland, Túrkimenstan, Ózbekstan, BAÁ, Vetnam, Býtan bar.

Eske salsaq, Qazaqstannyń boks federatsııasy ótken jyldyń qarasha aıynda resmı túrde World Boxing-tiń tolyqqandy múshesi atandy.