World Boxing: Azııa chempıonaty shırek fınalyna 21 eldiń boksshylary shyqty

ASTANA. KAZINFORM — Mońǵolııa astanasy Ulanbatyr qalasynda ótip jatqan World Boxing aıasyndaǵy 2026 jylǵy Azııa chempıonatynda qaı eldiń sportshylary shırek fınalǵa shyqqany belgili boldy. 

Qurlyqtyq dodada jarystyń bul satysyndaǵy jekpe-jekter 4 sáýirden bastalady. Elimizdiń quramasynan 17 bylǵary qolǵap sheberi jartylaı fınal joldamasyn sarapqa salady. Olardyń 10-y erler, 7-i áıelder quramasynyń ókilderi bolyp otyr.

Azııa chempıonatynda erler quramasy sapynda Sanjar Táshkenbaı (50 keli), Mahmud Sabyrhan (55 keli), Orazbek Asylqulov (60 keli), Ertýǵan Zeınýllınov (65 keli), Tórehan Sabyrhan (70 keli), Sabyrjan Aqqalyqov (75 keli), Erasyl Jaqpekov (80 keli), Nurbek Oralbaı (85 keli), Saǵyndyq Toǵambaı (90 keli) jáne Aıbek Oralbaı (90 keliden joǵary) baq synap jatyr.

Qazirge deıin áıelder quramasynan Jazıra Oraqbaeva (51 keli, Elına Bazarova (54 keli), Rımma Volosenko (60 keli) jarys jolynan shyǵyp qaldy.

Eldos Saıdalın jetekshiligimen qurlyqtyq dodaǵa elimizden ááıelder quramasynda Rımma, Jazıra men Elınadan ózge Áıgerim Sáttibaeva (48 keli), Uljan Sársenbek (57 keli), Laýra Esenkeldi (65 keli), Baqyt Seıdish (70 keli), Valentına Halzova (75 keli), Nadejda Rıabets (80 keli) jáne Dına Islambekova (80 keliden joǵary) el namysyn qorǵaýǵa múmkindik aldy.

Endi 4 sáýirde bastalatyn shırek fınalda elimizden ózge 21 memleketten kelgen boksshylar sharshy alańǵa shyǵady. Olardyń qatarynda Úndistan — 19, Ózbekstan — 17, Mońǵolııa men Qytaı — 12, Japonııa — 10, Ońtústik Koreıa men Taıpeı — 8, Iordanııa — 7, Tájikstan men Taıland — 6, Túrkimenstan men Qyrǵyzstan — 5, Soltústik Koreıa — 4, Býtan, Fılıppın men Indonezııa — 2, BAÁ men Vetnam — 1

Qurlyqtyq doda 30 naýryz — 10 sáýir aralyǵynda ótip jatyr. Onda 20 salmaqta júldeni sarapqa salynady.

Eske salsaq, budan buryn bokstan Azııa chempıonatynda asa aýyr salmaqta tórt qazaq synǵa túsip jatqanyn jazǵan edik.