World Boxing: Aıbek Oralbaı bokstan álem chempıonatynyń jartylaı fınalyna shyqty

ASTANA. KAZINFORM – Qazaqstan erler quramasynyń kapıtany Aıbek Oralbaı Lıverpýlde (Ulybrıtanııa) ótip jatqan bokstan álem chempıonatynyń jartylaı fınalyna joldama aldy.

Qazaqstandyq boksshy 90 keliden joǵary salmaqta horvatııalyq qarsylasy Lýka Pratlıachıchpen kúsh synasty.

Úsh raýnd boıy qarsylasyna esh múmkindik bermegen Aıbek Oralbaı tóreshilerdiń biraýyzdan shyǵarǵan sheshimimen jeńiske jetti.

Osylaısha, ulttyq qurama kapıtany álem chempıonatynda kem degende qola medaldi qanjyǵalaıdy.

Búgin el quramasynan Alýa Balqybekova (51 keli), Mahmýd Sabyrhan (55 keli), Tórehan Sabyrhan (70 keli), Aıda Ábikeeva (65 keli), Vıktorııa Grafeeva (60 keli), Eldana Talıpova (80 keliden joǵary) jartylaı fınalǵa shyqsa, Nurbek Oralbaı (80 keli), Saǵyndyq Toǵambaı (90 keli), Karına Ibragımova (57 keli), Bıbarys Jeksen (65 keli), Ertýǵan Zeınýlınov (65 keli) jarys jolyn aıaqtady.