World Boxing: Aıda Ábikeeva úsh dúrkin álem chempıonyn jeńdi

ASTANA. KAZINFORM - Anglııanyń Lıverpýl qalasynda World Boxing aıasynda ótip jatqan álem chempıonatynda Qazaqstan quramasynan Aıda Ábikeeva (65 keli) 1/2 fınalǵa shyqty.

Jekpe-jek barysynda Aıda birinshi jáne ekinshi raýndta qarsylasynan basym tústi.

Nátıjesinde ol qarsylasyn jeńip, jartylaı fınalǵa joldama aldy.

Qazaqstandyq bylǵary qolǵap sheberi shırek fınalda túrkııalyq Býsenaz Sýrmenelımen qolǵap túıistirdi.

Túrkııalyq boksshy qazirge deıin 2020 jyly Tokıo Olımpıadasynda chempıon atansa, álem chempıonatynda úsh márte jeńis tuǵyryna kóterildi.

Álem chempıonatynda Aıda Ońtústik Koreıa eliniń ókili Kan Sok En, Lýka Hamorı (Vengrııa) sekildi qarsylastaryn qapy qaldyryp ketti.

Búgin el quramasynan Alýa Balqybekova (51 keli), Mahmýd Sabyrhan (55 keli), Tórehan Sabyrhan (70 keli), Vıktorııa Grafeeva (60 keli), Eldana Talıpova (80 keliden joǵary) jartylaı fınalǵa shyqsa, Nurbek Oralbaı (80 keli), Saǵyndyq Toǵambaı (90 keli), Karına Ibragımova (57 keli) jarys jolyn aıaqtady.

Endi el quramasynan Gúlsaıa Erjan (80 keli), Bıbarys Jeksen (65 keli), Aıbek Oralbaı (90 keliden joǵary) sharshy alańǵa shyǵady.