World Boxing: 6 qyrkúıekte elimizdiń boks quramasynan kimderge senim artamyz

ASTANA. KAZINFORM — World Boxing aıasynda Anglııanyń Lıverpýl qalasynda ótetin álem chempıonatynda búgin, 6 qyrkúıekte Qazaqstan quramasynan tórt boksshy sharshy alańǵa shyǵady.

El quramasynan Tórehan Sabyrhan (70 keli) eresekter arasynda alǵashqy jekpe-jegin ótkizedi.

Tórehan Sabyrhan 2006 jyly dúnıege kelgen. Qazirge deıin ol jastar arasynda álem chempıony (2024), jastar men jasóspirimder arasynda Azııanyń tórt dúrkin chempıony boldy.

Al 2025 jylǵy Strandja kýbogynyń jeńimpazy atandy.

Jekpe-jekter kestesi:

Kúndizgi sessııa. (qazaqstandyq ýaqytpen 15:00–de) 

70 keli. Tórehan Sabyrhan — Islam ıAchı (Aljır)

Keshki sessııa (qazaqstandyq ýaqytpen 22:00–de) 

60 keli. Vıktorııa Grafeeva — Doneta Sadıký (Kosovo)
75 keli. Nadejda Rıabets — Lına Ýang (Qytaı)
60 keli. Bıbarys Jeksen — Djýnmılardo Ogaırı (Fılıppın).

Qazirge deıin el quramasynan Elimizdiń áıelder quramasynan Elına Bazarova (54 keli) alǵashqy jekpe-jeginde ózbekstandyq Nıgına Ýktamovaǵa ese jiberip, jarys jolynan shyǵyp qaldy.
Al Aıda Ábikeeva (65 keli) vengrııalyq Anna Lýtsa Hamorı, Karına Ibragımova (57 keli) grekııalyq Panagıta Kýzılýdi jeńip, jarysty jalǵastyrýǵa múmkindik aldy.

Erler quramasynan Saǵyndyq Toǵambaı (90 keli) anglııalyq Aızek Okony tize búktirip, jarystyń kelesi satysyna shyqty.

World Boxing uıymynyń aıasynda alǵash ret ótetin álem chempıonatyna 68 elden barlyǵy 554 (erler — 329, áıelder — 225) keldi.

Dúbirli doda 4-14 qyrkúıek aralyǵynda ótkiziledi. Jekpe-jekter «Qazaqstan» jáne «Qazsport» telearnalarynan tikeleı efırde kórsetiledi.

Álemniń ár qıyrynan kelgen boksshylar 4-10 qyrkúıek aralyǵynda irikteý kezeńinde saıysqa túsedi. Al 12-13 qyrkúıekte jartylaı bolsa, 13-14 qyrkúıekte fınaldyq básekeler ótedi.