World Boxing: 4 sáýirde qazaqstandyq bes boksshy sharshy alańǵa shyǵady

ASTANA. KAZINFORM - World Boxing aıasynda ótetin álem kýbogynyń birinshi kezeńinde 4 sáýirde jartylaı fınalda qazaqstandyq 5 boksshy sharshy alańǵa shyǵady.

El quramasynan búgin Nursultan Altynbek (55 keli), Dıas Moljigitov (75 keli), Jazıra Oraqbaeva (51 keli), Uljan Sársenbek (57 keli), Dáýlet Tólemisov (85 keli) saıysqa túsedi.

Al Danııal Saparbaı (90 keliden joǵary) qola júldeger atandy. Ol jartylaı fınalda ózbekstandyq Jahongır Zokırovqa 0:5 esebimen jol berdi.

Qazirge deıin el quramasynan Nurzat Ońǵarov (50 keli), Talǵat Syrymbetov (60 keli), Anıta Ádisheva (54 keli), Almat Ábdýalı (65 keli), Darhan Dúısebaı (70 keli) jarys jolynan shyǵyp qaldy.

World Boxing týrnıri úsh kezeńnen turady. Ekinshi kezeń 30 maýsym - 7 shilde aralyǵynda Qazaqstanda bolady. Al úshinshi kezeń 21-27 shilde aralyǵynda ótedi. Biraq onyń ótetin orny ázirge belgisiz.

Osyǵan deıin habarlaǵanymyzdaı, bokstan Bakýde ótetin halyqaralyq týrnırge qatysatyn sportshylar belgili boldy.