WORLD BOXING: 2025 jylǵy Azııa chempıonattarynyń ótetin ýaqyty belgilendi

ASTANA. KAZINFORM – WORLD BOXING uıymy bokstan 2025 jylǵy barlyq jas deńgeıindegi Azııa chempıonaty ótetin ýaqytyn belgiledi.

Barlyq jas dárejesinde erler men áıelder boksy birge ótkiziledi.

Birinshilikterdi qabyldaıtyn qalalar tizimi keıin tolyq belgili bolady.

Soǵan sáıkes 15 jáne 17 jasqa deıingi jasóspirimder arasynda Azııa birinshiligi 17 sáýir men 1 mamyr aralyǵynda Iordanııada ótkiziledi. 

Al 19 jáne 22 jasqa deıingi jastar 20 shilde men 3 tamyz aralyǵynda kúsh synassa, eresekter arasyndaǵy qurlyqtyq báseke 1-15 qazanǵa belgilengen. 

Eske salsaq, bokstan 2025 jylǵy álem kýbogynyń kezeńi Qazaqstanda ótedi.

Qazaqstan boks federatsııasynyń málimetinshe, kúntizbe boıynsha 2025 jylǵy álem kýbogynyń ekinshi kezeńi elimizde uıymdastyrylady. Týrnır 30 maýsym men 7 shilde aralyǵynda ótedi.